Rajamouli : పాన్ ఇండియా నంబర్ వన్ డైరెక్టర్ అనుకుంటే.. రాజమౌళి ఇలా చేస్తున్నాడేంటి?  

Rajamouli

Director Rajamouli  : ఇప్పటి దాకా తీసిన ప్రతీ సినిమాను సక్సెస్ ఫుల్ చేసి అగ్ర స్థానంలో ఉన్నాడు ఎస్ఎస్ రాజమౌళి. హీరోల  ఇమేజ్ తో సంబంధం లేకుండా వారికే తన సినిమాలతో సరికొత్త ఇమేజ్ తీసుకు వస్తున్నాడు. మాస్, క్లాస్, పౌరాణికం జానర్ ఏదైనా, హీరో ఎవరైనా క్రెడిట్ మాత్రం రాజమౌళికే దక్కుతుందనడంలో ఎలాంటి సందేహం లేదు.

బాహుబలి, ఆర్ఆర్ఆర్ సినిమాలతో తన గ్రాఫ్ ను మరింత పెంచుకున్నాడు రాజమౌళి. అయితే బాలీవుడ్ లో తనదే నంబర్ వన్ స్థానం అని నిరూపించుకున్నాడు. ఇక మరో సినిమా హిట్టయితే రాజమౌళి దరిదాపుల్లోకి కూడా ఎవరూ ఉండరనే చర్చ బాలీవుడ్ లో సాగుతన్నది. కానీ ఇంతలోనే జక్కన్న బాలీవుడ్ కు షాకిస్తున్నాడు.

ప్రస్తుతం టాలీవుడ్ సూపర్ స్టార్  మహేష్ బాబుతో రాజమౌళి ఓ సినిమాను పట్టాలెక్కించబోతున్న విషయం తెలిసిందే. అయితే ఈ సినిమా షూటింగ్ మొదలు పెట్టకముందే అంచనాలు దాటిపోతున్నాయి. ఇక బడ్జెట్ లెక్కలు కూడా ఎవరి ఊహలకు అందనంత దూరంలో ఉంటున్నాయి. మొన్నటి దాకా రూ. 500 కోట్ల బడ్జెట్ అనుకుంటే.. ఇప్పుడది రూ. వెయ్యి కోట్ల దాకా వెళ్తుందని టాక్ నడుస్తుున్నది

అయితే ఇప్పటి దాకా బాలీవుడ్ నంబర్ వన్ అనుకుంటే ఇప్పుడు రాజమౌళి ఏకంగా హాలీవుడ్ కే ఎసరు పెట్టాడు. మహేష్ బాబుతో  చేసే సినిమా పాన్ ఇండియా స్థాయిలో కాదు.. పాన్ వరల్డ్ స్థాయిలో తెరకెక్కించబోతున్నాడట. ఇప్పటి దాకా అపజయమెరుగని జక్కన్న ఈ సినిమా హిట్టు కొడితే కలెక్షన్ల లెక్కలు దాదాపు రూ. 2వేల కోట్ల నుంచి రూ. 3 వేల కోట్లు దాటవచ్చని అంచనా వేస్తున్నారు. జక్కన్న ప్లానింగ్ కు ఇండియన్ ఫిలిం ఇండస్ట్రీ ఇప్పుడు ఆశ్చర్యపోతున్నది.