Mitrasharma : హర్షసాయిపై ఫిర్యాదు చేసిన మిత్రాశర్మ బ్యాక్ గ్రౌండ్ తెలిస్తే మైండ్ బ్లాక్ అవ్వాల్సిందే !

Mitrasharma

Mitrasharma : యూట్యూబర్ హర్షసాయిపై ఫిర్యాదు చేసిన మిత్రాశర్మ ప్రస్తుతం వార్తల్లో నిలిచింది. తనపై కేసు నమోదైన వెంటనే హర్షసాయి ఓ ఆడియో లీక్ చేసి సంచలనం రేపింది. అందులో ఆమె హర్షసాయిని ప్రేమించమని ఒత్తిడి చేస్తున్నట్లు ఆ సంభాషణలు సాగుతుంటాయి. ఏదేమైనా ప్రస్తుతం ఈ అమ్మడి గురించి వార్తలు నెట్టింట్లో తెగ హల్చల్ చేయడంతో ఆమె ఎవరని జనాలు తెగ సెర్చ్ చేస్తున్నారు.  1993 వ సంవత్సరం మే 24 న ముంబైలో పుట్టిన మిత్రా శర్మ అసలు పేరు మిత్రబింద. ఈమె ముంబైలోనే పెరిగారు. తండ్రి సలహా సూచనలతోనే ఆమె నటనపై ఇష్టాన్ని పెంచుకున్నారు. అయితే.. తండ్రి చనిపోవడంతో ఆమెకు ఇబ్బందులు ఎదురయ్యాయి. మరోవైపు బంధువులు కూడా ఆమెను పట్టించుకోకపోవడంతో ఆమె హైదరాబాద్ కు షిఫ్ట్ అయిపోయింది.

హైదరాబాద్ కి వచ్చాక అవకాశాల కోసం ఎన్నో ఆఫీసుల చుట్టూ తిరిగి ఎన్నో అవమానాలను భరించింది. ఎట్టకేలకు ఆమె కృషి ఫలించి అవకాశాలు రావడం ప్రారంభం అయ్యాయి. “తొలి సంధ్య వేళలో” అనే సినిమాలో ఆమెకి హీరోయిన్ గా అవకాశం వచ్చింది. ఆ తరువాత ఓ రెండు సినిమాల్లో కూడా నటించారు కానీ అవి అంత గుర్తింపు తెచ్చిపెట్టలేదు. నార్త్ అమ్మాయే అయినా.. మిత్రా తెలుగు బాగా మాట్లాడతారు. “‘శ్రీపిక్చర్స్ ” అనే నిర్మాణ సంస్థని కూడా స్థాపించి.. “బాయ్స్” అనే బోల్డ్ సినిమాను సొంతంగా నిర్మించారు. “బాయ్స్” సినిమాలో మిత్రా కూడా హీరోయిన్ గా నటించింది. గ్లామర్ , పెర్ఫార్మన్స్ విషయంలో తగ్గేదే లేదని నిరూపించింది.

ఈ క్రమంలోనే ఆమె బిగ్ బాస్ అవకాశం రావడంతో ఓటీటీ సీజన్ లో 11వ కంటెస్టెంట్ గా అడుగుపెట్టారు. తాను హీరోయిన్ అని చెప్పినప్పటికీ ఆమె ఏదో మిడిల్ క్లాస్ కు చెందిన అమ్మాయి అని అనుకున్నారు. కానీ అసలు విషయం తెలిశాక ఆమె బ్యాక్ గ్రౌండ్ మామూలుగా లేదని అర్థమైంది. ఆమె ఆస్తులు కార్లు బంగ్లాకు సంబంధించిన వివరాలు ప్రస్తుతం సోషల్ మీడియాలో వైరల్ అవుతున్నాయి. అసలైతే బిగ్ బాస్ షో మొదలైనప్పుడు కంటెస్టెంట్స్ ఎంట్రీ విషయంలో ప్రేక్షకులు సంతృప్తిగా లేరు అనే చెప్పాలి.  ఇక మిత్ర శర్మ అనే అమ్మాయి ఎవరని ప్రశ్నలు కూడా రాగా ఇప్పుడు ఆమె బ్యాక్ గ్రౌండ్ తెలిశాక షాక్ అవుతున్నారు. ఆమె సొంతంగా ఒక బంగ్లాలో ఓ సామ్రాజ్యాన్ని ఏర్పాటు చేసుకున్నట్లు తెలుస్తోంది.

ఇక బిగ్ బాస్ నాన్ స్టాప్ షోలోకి మిత్రబిందగా అడుగుపెట్టిన మిత్రా శర్మ అంటే అంతకుముందు వరకు ఎవరికీ అంత పెద్దగా తెలియదు. తొలి సంధ్యవేళ అనే సినిమా చేసినా అది వచ్చిపోయినట్లు కూడా ఎవరికీ తెలియదు. దీంతో బిగ్ బాస్ షో ద్వారా ఎలాగైనా మంచి గుర్తింపు అందుకోవాలి అని మిత్రశర్మ హౌస్ లోకి అడుగుపెట్టింది. ఇక ఈమె మొదటి వారంలోనే బయటికి వెళ్లి పోతుందని అందరూ అనుకున్నారు. అంతేకాకుండా మిగతా కంటెస్టెంట్ కూడా ఆమెని చాలా చిన్న చూపు చూసినట్లు అనిపించింది.

మిత్ర శర్మ పర్సనల్ లైఫ్ విషయాలకు వస్తే.. ఆమె తండ్రి హిందీ చిత్ర పరిశ్రమలో డిస్ట్రిబ్యూటర్ గా మంచి గుర్తింపు తెచ్చుకున్నారు. ఇక తండ్రి మరణాంతరం శ్రీ పిక్చర్స్ లో పలు సినిమాలను కూడా నిర్మించిన ఆమె కుటుంబ సభ్యులతో విబేధాలతో ఆ తర్వాత పూర్తిగా హైదరాబాద్ కి షిఫ్ట్ అయిపోయింది. ఇక తెలుగులో ఆమె కొన్ని చిన్న సినిమాల్లో కూడా నటించింది. అంతేకాకుండా నిర్మాతగా కూడా అడుగులు వేసే ప్రయత్నం చేస్తుంది.  అయితే మిత్రశర్మ తన సొంత తెలివితేటలతో పలు వ్యాపారాలలో పెట్టుబడులు పెట్టి మంచి లాభాలను అందుకుంది. ఇక హైదరాబాదులో ఆమెకు కోట్ల విలువ చేసే ఒక బంగ్లా ఉంది. అందులో ఐదు బెడ్ రూమ్ లు ఉన్నాయట. దాదాపు ఇంట్లోనే 10కుక్కలను పోషిస్తున్నట్లు తెలుస్తోంది. మిత్రా శర్మ ఒక విధంగా తన సొంత తెలివితేటలతోనే తన సామ్రాజ్యాన్ని స్థాపించుకుందట.

ఇక మిత్రశర్మ కార్ల కలెక్షన్ చూస్తే ఎవరైనా సరే షాకవ్వాల్సిందే. మార్కెట్లోకి కొత్త మోడల్ వచ్చిందంటే ముందుగా ఆమె దానిని టెస్ట్ డ్రైవ్ చేయకుండా ఉండదట. ఒకవేళ అది నచ్చితే మాత్రం ఎంత ఖరీదైనా సరే కొనేస్తుందట. ఇక ఆ తర్వాత కార్లు నచ్చకపోతే వెంటనే మార్చేస్తుందట. ఇక కోటి 20 లక్షలు ఖరీదు చేసే బెంజ్‌ ఆల్టర్‌ కారు కూడా ఉందట. ఈ లగ్జరీ కారు ఇండియాలో పది మాత్రమే ఉండగా ఒక్కటి హైదరాబాద్‌లో మిత్ర దగ్గర ఉండడం విశేషం. ఈ బెంజ్ రేంజ్‌‌కి తగ్గట్టే.. అమ్మడు 999 అనే ఫ్యాన్సీ నెంబర్‌ని వాడుతుంది. హర్ష సాయితో కలిసి మెగా అనే సినిమాను అనౌన్స్ చేసి ఇప్పుడు అదే సినిమా వల్ల విబేధాలు రావడంతో మళ్లీ అమ్మడు లైమ్ లైట్ లోకి వచ్చింది.