Allu Arjun : అల్లు రామలింగయ్య లేకపోతే పంచర్ షాప్ లో పని చేసేటోడు.. నాగబాబుపై బన్నీ సంచలన కామెంట్స్

Allu Arjun-Nagababu

Allu Arjun :  అల్లు అర్జున్ ఈ పేరుతో ప్రత్యేకంగా పరిచయం అక్కర్లేదు. తెలుగు సినిమా ఇండస్ట్రీలో తనకంటూ ఒక ప్రత్యేకమైన గుర్తింపును సంపాదించుకున్న నటుడు బన్నీ. రాఘవేంద్రరావు దర్శకత్వంలో గంగోత్రి సినిమాతో ఆయన టాలీవుడ్ కు ఎంట్రీ ఇచ్చాడు. ఆ సినిమా హిట్  అయిన తర్వాత ఆయనకు వరుస ఆఫర్లు వచ్చాయి. సుకుమార్ దర్శకత్వంలో వచ్చిన ఆర్యతో నటుడిగా మంచి గుర్తింపు తెచ్చుకుని ఇండస్ట్రీలో గట్టి పునాదిని ఏర్పాటు చేసుకున్నాడు. ఇక ప్రత్యేకంగా యూత్ లో ఒక స్టార్ గా వెలుగొందడానికి ఆయనకు ఆర్య సినిమా చాలా వరకు సాయపడిందనే చెప్పాలి.  

ఇక అప్పటి నుంచి ఆయన సినీ ప్రస్థానం పుష్ప సినిమా వరకు చాలా సక్సెస్ ఫుల్ గా కొనసాగుతూ వస్తోంది. ఇక ఇప్పుడు పుష్ప 2 సినిమాతో మరోసారి ప్రేక్షకులను మెస్మరైజ్ చేసేందుకు రెడీ అవుతున్నాడు. ఇక ఇదిలా ఉంటే ఇటీవల ఆయన వైసీపీ అభ్యర్థి శిల్పా రవికి సపోర్ట్ చేసి చాలా విమర్శలను ఎదుర్కొన్న విషయం తెలిసిందే.  ఇక ఆ విషయం మీద నాగబాబు ఇన్ డైరెక్టుగా అల్లు అర్జున్ తమకు వెన్నుపోటు పొడిచాడన్న విధంగా ఓ ట్వీట్ చేశాడు.  ఇక దీన్ని ఉద్దేశించి ఇప్పుడు అల్లు అర్జున్ పెట్టిన ఒక పోస్ట్ సోషల్ మీడియాలో వైరల్ అవుతోంది.  

నాగబాబు పెట్టిన పోస్ట్ కి రిప్లై గా “ అల్లు రామలింగయ్య గారు లేకపోతే నాగబాబు బాపట్ల పోస్ట్ ఆఫీస్ ముందు పంచర్ షాప్ లో పనిచేస్తూ ఉండేవాడు” అంటూ ఆయన పెట్టిన పోస్ట్    వైరల్ అవుతుంది. ఇక నిజంగా అల్లు అర్జునే ఇలాంటి పోస్ట్ పెట్టాడా లేదా ఎవరైనా ఆయన అకౌంట్ హ్యాక్ చేసి ఇలా ప్లాన్ చేశారా అన్న తెలియడం లేదు. దీనిపై అనేక అనుమానాలు కూడా వ్యక్తం అవుతున్నాయి. కావాలనే బన్నీ అకౌంట్ ని హ్యాక్ చేసి అలా పెట్టారని కొందరు అంటుంటే.. ఇక మరి కొంత మంది మాత్రం హ్యాక్ చేయాల్సిన అవసరం ఎవరికీ లేదు అంటున్నారు. ఇక మొత్తానికైతే అల్లు అర్జున్ అకౌంట్ నుంచి నాగబాబు మీద ఒక తీవ్రమైన ఘాటు కామెంట్ రావడం బాధాకరమైన విషయమనే చెప్పాలి.