Mudragada Padmanabham : పవన్ ను ఓడించకపోతే.. నాపేరు మార్చుకుంటా – ముద్రగడ పద్మనాభం

Mudragada Padmanabham

Mudragada Padmanabham : పవన్ ను పిఠాపురంలో ఓడిస్తా.. లేదంటే నాపేరును పద్మనాభరెడ్డిగా మార్చుకుంటానని ముద్రగడ పద్మనాభం అన్నారు. తుని రైలు దహన ఘటనపై పవన్ కళ్యాణ్ కు అవగాహన లేదని వైసీపీ నేత ముద్రగడ పద్మనాభం పేర్కొన్నారు. తుని ఘటనపై పవన్ వ్యాఖ్యలు అర్థరహితమని అన్నారు. నోటికి ఏది వస్తే అది మాట్లాడడం సరికాదన్నారు. ఆయనను పిఠాపురంలో ఓడిస్తా.. లేకపోతే నాపేరు మార్చకుంటా.. మీ సేవకులమా..? బానిసలమా..? అమ్ముడుపోయే జాతా..? మీకున్న జబ్బును మాకు అంటగడతావా..? అంటూ ఆగ్రహం వ్యక్తం చేశారు.

ఏపీ అసెంబ్లీ ఎన్నికల్లో పిఠాపురం నియోజకవర్గం పై నేతలు సంచలన వ్యాఖ్యలు చేస్తున్నారు. గతంలో కూడా ముద్రగడ పద్మనాభం కీలక వ్యాఖ్యలు చేశారు. పిఠాపురంలో జనసేన పార్టీ అధినేత పవన్ కళ్యాణ్ ఖచ్చితంగా ఓడిపోతాడని జోస్యం చెప్పారు. ఒక ఎంపీ, ఎమ్మెల్యే లేకుండా పార్టీ పెడితే తాను అతని దగ్గరికి వెళ్లాలా.. చిరంజీవి ఓడిపోయాడు.. పవన్ రెండు చోట్ల ఓడిపోయాడని అన్నారు.