Hyper Aadi Election campaign
Hyper Aadi : పవన్ కళ్యాణ్ పోటీ చేస్తున్న పిఠాపురం నియోజకవర్గంలో గురువారం హైపర్ ఆది ఎన్నికల ప్రచారం నిర్వహించారు. దర్గాడ గ్రామంలో రోడ్ షోలో పాల్గొన్న ఆది సీఎం జగన్ పై విమర్శలు గుప్పించాడు. ఇంట్లోనే మంచి చేయనివాడు జనాలకు ఏం చేస్తాడంటూ వ్యాఖ్యానించారు. ఈ సందర్భంగా షర్మిల, సునీత గురించి ప్రస్తావించారు.
రాష్ట్రంలో కల్తీ మద్యం ఏరులై పారుతోందని, కల్తీ మద్యం పోవాలంటే ఎన్డీయే కూటమిని గెలిపించాలని ప్రజలను కోరారు. పవన్ కళ్యాణ్ పోటీ చేస్తున్న పిఠాపురంలో తాను ఎందుకు పుట్టలేదని బాధగా ఉందని ఆది పేర్కొన్నారు. పిఠాపురంలో పుట్టి ఉంటే బాగుండేదని, పవన్ కళ్యాణ్ కు ఓటువేసే అదృష్టం దక్కి ఉండేదని అన్నారు.
ఈ ఎన్నికల్లో టీడీపీ, జనసేన, బీజేపీ కూటమికి ఓటు వేసి అధికారం లోకి వచ్చేలా చూడాలని కోరారు. కూటమి అధికారంలోకి వస్తే మరింత అభివృద్ధి జరుగుతుందని, పేద ప్రజల కష్టాలు తీరుతాయని అన్నారు. మీ ఓట్లు గాజు గ్లాస్ గుర్తుపై వేయాలని ఆది కోరారు.