BRS
BRS : 2016 గ్రేటర్ ఎన్నికలలో 150 సీట్లకు 99 సీట్లు గెలుచుకొని టీఆర్ఎస్ (బీఆర్ఎస్) గ్రేటర్ లో అతి పెద్ద పార్టీగా అవతరించింది. ఇక 4 సీట్లతో బీజేపీ కొనసాగితే అసొదొద్దీన్ పార్టీ మజ్లిస్ 44 సీట్లు గెలుచుకుంది. జీహెచ్ఎంసీ ఎన్నికల్లో టీఆర్ఎస్ 56, బీజేపీ 48, ఎంఐఎం 44 వార్డుల్లో విజయం సాధించాయి. గత జీహెచ్ఎంసీ ఎన్నికలతో పోలిస్తే 2020లో టీఆర్ఎస్ చాలా వార్డులను కోల్పోయింది. ఉమ్మడి హైదరాబాద్, రంగారెడ్డి జిల్లాల్లో కలిపి 29 అసెంబ్లీ నియోజకవర్గాలు ఉండగా, 7 స్థానాలను ఎంఐఎం గెలుచుకుంది. మిగిలిన 18 స్థానాలకు 22 టీఆర్ఎస్ గెలుచుకుంది.
గ్రామీణ నేపథ్యం ఉన్న పార్టీగా, పట్టణ దృక్పథాన్ని ప్రతిబింబించకపోవడంతో నిజాంల నగరం హైదరాబాద్ బీఆర్ఎస్‌తో అంతగా సఖ్యతగా లేదు. పైగా, ఎక్కువ సంఖ్యలో సెటిలర్లు ఉన్న నగరం కాబట్టి ప్రత్యేక రాష్ట్ర ఉద్యమ నేపథ్యం ఉన్న పార్టీకి స్వాగతం పలికేందుకు హైదరాబాద్ సిద్ధంగా లేదు. అయితే ముఖ్యమంత్రి కే చంద్రశేఖర్ రావు, ఐటీ, మున్సిపల్ శాఖ మంత్రి కేటీఆర్ చేపట్టిన అభివృద్ధి పనులు ఆ ఇమేజ్ ను మెల్లమెల్లగా చెరిపివేశాయి. టీఆర్ఎస్ ప్రభుత్వం అనేక అభివృద్ధి పనులకు శ్రీకారం చుట్టి మౌలిక వసతుల కల్పనకు ఎంతో కృషి చేసింది.
మెట్రో రైలు, స్ట్రాటజిక్ రోడ్ డెవలప్ మెంట్ ప్రాజెక్టు, వ్యూహాత్మక నాలా అభివృద్ధి కార్యక్రమాలతో పాటు ఐటీ రంగంలో భారీ విస్తరణ టీఆర్ఎస్ ప్రభుత్వానికి ప్రాంతీయ, రాజకీయ అనుబంధాలకు అతీతంగా ప్రజల విశ్వాసాన్ని చూరగొనడానికి దోహదపడింది. 2018 అసెంబ్లీ ఎన్నికల్లో హైదరాబాద్ లో టీఆర్ఎస్ 22 స్థానాల్లో పోటీ చేయగా 18 చోట్ల, మిత్రపక్షమైన మజ్లిస్ 7 స్థానాల్లో విజయం సాధించాయి. ప్రభుత్వ పథకాలు పట్టణ ప్రాంతంలోని సామాన్యులకు అందేలా చూడడం ద్వారా పట్టణ ఓట్ల ఏకీకరణ సాధ్యమైంది.
మేడ్చల్ అసెంబ్లీ నియోజకవర్గానికి ప్రాతినిధ్యం వహిస్తున్న చామకూర మల్లారెడ్డి లాంటి మంత్రికి తనదైన శైలికి విపరీతమైన ఫ్యాన్ ఫాలోయింగ్ ఉండగా, సనత్ నగర్ నుంచి ప్రాతినిధ్యం వహిస్తున్న మంత్రి తలసాని శ్రీనివాస్ యాదవ్ కు కూడా మంచి గుర్తింపే ఉంది. సికింద్రాబాద్ నుంచి పోటీ చేస్తున్న పద్మారావు గౌడ్ కరోనా కష్టకాలంలో తన నియోజకవర్గ ప్రజల కోసం చాలా పనులు చేపట్టాడు. ఎమ్మెల్యేగా ఆయన ప్రజలతో మమేకమయ్యారు. శేరిలింగంపల్లి నియోజకవర్గంలోని సెటిలర్లలో అరెకపూడి గాంధీ గుర్తింపు దక్కించుకున్నారు. ఆయనకు ఈ నియోజకవర్గంలో క్షేత్ర స్థాయి సంబంధాలు ఉండడంతో 24 గంటలూ ప్రజలకు అందుబాటులో ఉంటున్నారు.
సిరిసిల్ల ఎమ్మెల్యే అయినా కేటీఆర్ ఎక్కువగా హైదరాబాద్ లోనే ఉంటారు. ప్రగతిశీల నేతగా ఆయనకున్న ఇమేజ్ పార్టీ దృక్పథాన్ని మార్చడానికి, పట్టణ ఓటర్లలో ఐక్యతను తీసుకురావడానికి దోహదపడ్డాయి. టీడీపీ వైపు మొగ్గు చూపే ఆంధ్రా సెటిలర్లు తమ భద్రత, వ్యాపారాలు, ఉపాధి కోసం బీఆర్ఎస్ కు మద్దతిస్తున్నారు.