Honey Rose : స్టార్ హీరో సినిమాలో హనీరోజ్.. ఇన్నాళ్లకు తెలుగులో నేరుగా సినిమా చేస్తున్న నటి..

Honeyrose in Star Hero Movie..

Honey Rose : మలయాళ బ్యూటీ ‘హనీరోజ్’ టాలీవుడ్ ఇండస్ట్రీకి పెద్దగా పరిచయం లేని నటి. తెలుగులో వేళ్లపై లెక్కించుకునే తక్కువ సినిమాల్లో నటించింది. యువరత్న నందమూరి బాలకృష్ణ హీరోగా చేసిన ‘వీరసింహారెడ్డి’లో కనిపించి మెప్పించింది. ఈ మూవీకి గోపీచంద్ మలినేని దర్శకత్వం వహించగా.. కలెక్షన్ల సునామీ సృష్టించిందని తెలిసిందే.  ఆ తర్వాత మరో తెలుగు సినిమాలో ఆమె కనిపించలేదు. తన తెలుగు ఫ్యాన్స్ ను కాపాడుకునేందుకు సోషల్ మీడియాలో పిక్స్, వీడియోస్ మాత్రం షేర్ చేస్తుంటుంది. అప్పుడప్పుడు షాపింగ్ మాల్స్ ఓపెనింగ్స్ లో కనిపిస్తుంది.

హీనీరోజ్ అన్ని ఇండస్ట్రీలో చేసిన సినిమాలు తక్కువే అయినా క్రేజ్, ఫ్యాన్ ఫాలోయింగ్ మాత్రం భారీగా ఉంది. తన ఇన్ స్టాలో 4 మిలియన్లకు పైగా ఫాలోవర్స్ ఉన్నారు. మలయాళంతో పాటు తెలుగు అభిమానులు కూడా ఎక్కువే అమ్మడికి. ఆమె రీసెంట్ గా నేరుగా తెలుగులో సినిమాలో నటిస్తుందన్న టాక్ వినిపిస్తుంది. హనీరోజ్ మరోసారి సీనియర్ హీరోతో కలిసి నటించబోతోందని పుకార్లు షికార్లు చేస్తున్నాయి. గతంలో బాలయ్యతో జతకట్టిన ఈ మలయాళి బ్యూటీ ఇప్పుడు మెగాస్టార్ సినిమాలో కనిపిస్తుందని టాక్.

చిరంజీవి నటిస్తున్న కొత్త సినిమా ‘విశ్వంభర’. ఈ సినిమాకు వశిష్ఠ డైరెక్టర్ గా  వహిస్తున్నారు. షూటింగ్ కూడా ఇటీవలే ప్రారంభమైంది. ఈ మూవీని చిరంజీవి నటించిన అంజీ సినిమాకంటే భారీగా విజువల్ వండర్ గా తీర్చిదిద్దుతున్నట్లు వశిష్ట ఇప్పటికే ప్రకటించారు. రీసెంట్ గా రిలీజ్ చేసిన ప్రీ లుక్ పోస్టర్లు ప్రేక్షకులను ఆకట్టుకున్నాయి. ఈ సినిమాలో నటించే హీరోయిన్స్ గురించి ఆసక్తికరమైన చర్చ జరుగుతుంది. హనీరోజ్ కూడా ఇందులో నటిస్తుందని వార్తలు చక్కర్లు కొడుతున్నాయి. ఆమె నటిస్తుందా? అన్నది తెలియాల్సి ఉంది.