Honeymoon Express : ‘హనీమూన్ ఎక్స్ ప్రెస్’ న్యూ ఏజ్ రొమాంటిక్ కామెడీ

Honeymoon Express a romantic comedy movie

Honeymoon Express : ఎన్ఆర్ఐ ఎంటర్ టైన్ మెంట్స్ (యూఎస్ ఏ) సమర్పిస్తున్న న్యూ రీల్ ఇండియా ఎంటర్ టైన్ మెంట్స్ ప్రైవేట్ లిమిటెడ్ నిర్మిస్తున్న న్యూ ఏజ్ రొమాంటిక్ కామెడీ చిత్రం ‘హనీమూన్ ఎక్స్ ప్రెస్ ‘. చైతన్య రావు, హెబ్బా పటేల్ జంటగా నటించారు. తనికెళ్ల భరణి, సుహాసిని కీలకపాత్రలు పోషించిన ఈ చిత్రానికి బాల రాజశేఖర్ దర్శకత్వం వహించారు. కేకేఆర్, బాలరాజు సంయుక్తంగా ఈ చిత్రాన్ని నిర్మించారు.

కల్యాణి మాలిక్ స్వరపరిచిన ‘నిజామా’ అనే అందమైన ప్రేమ గీతాన్ని సినీ లెజెండ్ రాంగోపాల్ వర్మ విడుదల చేశారు. ప్రముఖ నేపథ్య గాయని సునీతతో కలిసి స్వరకర్త స్వయంగా ఈ పాటను ఆలపించారు. కిట్టు విస్సాప్రగడ సాహిత్యం అందించారు.

ఈ సందర్భంగా ఆర్జీవీ మాట్లాడుతూ ‘నా మిత్రుడు బాల దర్శకత్వంలో తెర కెక్కిన ఈ చిత్రంలోని ‘నిజామా’ పాటను ఇప్పుడే చూశాను. ఈ పాట చాలా మెలోడియస్ గా ఉంది. చాలా బాగా చిత్రీకరించబడింది. కెమెరా మెన్ పనితనం, లొకేషన్స్ చాలా బాగున్నాయి. ఈ పాటను విడుదల చేయడం ఆనందంగా ఉంది. కథ కూడా విన్నాను. ఇంట్రెస్టింగ్ న్యూ ఏజ్ సినిమా ఇది. ‘హనీమూన్ ఎక్స్ ప్రెస్’ విజయం సాధించాలని కోరుకుంటున్నాను’ అని అన్నారు.

దర్శకుడు బాల రాజశేఖర్ మాట్లాడుతూ ‘రామ్ గోపాల్ వర్మతో కలిసి ‘బ్యూటీ ఆఫ్ ప్యాషన్’, ‘అట్టా’ అనే రెండు హాలీవుడ్ చిత్రాలకు పని చేశాను. అవి ప్రస్తుతం డెవలపింగ్ లో ఉన్నాయి. వర్మ, ఆయన సినిమాలు మాలాంటి దర్శకులకు మంచి ప్రేరణ. ‘శివ’ నాకు చాలా ఇన్సిపిరేషన్. దర్శకుడిగా మారాలనుకునేలా చేసింది ఈ సినిమానే. రొమాంటిక్ కామెడీగా తెరకెక్కిన ‘హనీమూన్ ఎక్స్‌ప్రెస్’ సినిమాతో దర్శకుడిగా ఆయనతో ఉన్నాను. తొలి పాట లిరికల్ వీడియోను వర్మ చేశారు. నేను చాలా సంతోషంగా ఉన్నా. త్వరలోనే సినిమాను విడుదల చేస్తాం’ అన్నారు.