Balayya Hat-Trick : హ్యాట్రిక్ కొట్టడం పక్కా: బాలయ్య కాన్ఫిడెన్స్ వేరే లెవల్

Balayya Hat-Trick

Balayya Hat-Trick : ఆంధ్రప్రదేశ్ లో ఎన్నికల వేడి రాజుకుంటోంది. పార్టీలు ముమ్మరంగా ప్రచారం చేస్తున్నాయి. జగన్ ను అధికారానికి దూరం చేయాలని ప్రయత్నాలు చేస్తున్నాయి. ఇందులో భాగంగానే శ్రీ సత్యసాయి జిల్లా హిందూపురంలో జరిగిన టీడీపీ నియోజకవర్గ స్థాయి సమావేశంలో బాలకృష్ణ మాట్లాడుతూ ఇక్కడ నుంచి హ్యాట్రిక్ కొడతానని ధీమా వ్యక్తం చేశారు. బీజేపీ, జనసేన, టీడీపీ కలిసి రాష్ట్రంలో ప్రభంజనం తెస్తుందని జోస్యం చెప్పారు.

వచ్చే ఎన్నికల్లో హిందూపురం ఎమ్మెల్యేగా హ్యాట్రిక్ కొట్టి తీరుతానన్నారు. రాష్ట్రంలో ఏర్పడిన టీడీపీ కూటమి కచ్చితంగా విజయం సాధిస్తుందన్నారు. నాలుగున్నరేళ్లలో వైసీపీ పాలన ఆద్యంతం మోసాలతో సాగిందని దుయ్యబట్టారు. జగన్ తీరుతో ప్రజలు విసిగిపోయారన్నారు. దోపిడీలు, దొంగతనాలు పెరిగాయి. కబ్జాలు దారుణంగా విస్తరిస్తున్నాయి. అయినా అధికార పార్టీ కొమ్ముకాస్తూ వారిని ప్రోత్సహిస్తోందన్నారు.

నా అక్కలు, చెల్లెళ్లు అంటూ జగన్ నాటకాలు ఆడుతున్నారన్నారు. రాష్ట్రాన్ని మరో పదేళ్లు వెనక్కి తీసుకుపోయారని ఆవేదన వ్యక్తం చేశారు. టీడీపీ హయాంలో రాయలసీమ ప్రశాంతంగా ఉండేదని పేర్కొన్నారు. నేడు రక్తం ఏరులై పారుతోందన్నారు. మద్యం నిషేధిస్తామని చెప్పిన జగన్ తరువాత మాట మార్చి ఊరూరా మద్యం దుకాణాలు వెలిసేలా చేశారని గుర్తు  చేశారు.

టీడీపీ, బీజేపీ, జనసేన కూటమి అధికారంలోకి వస్తుందన్నారు. ఇప్పటికే ఈ విషయం సర్వేల ద్వారా వెల్లడిస్తున్నాయి. జగన్ పాలనను అంతమొందించేందుకు ప్రజలు సిద్ధంగా ఉన్నారన్నారు. దీని కోసం అధికార మార్పిడికి శ్రీకారం చుట్టనున్నట్లు తెలుస్తోంది. ఈనేపథ్యంలో జగన్ పాలన అస్తవ్యస్తంగా మారిందనే ఆరోపణలు ఇప్పటికే వెల్లువెత్తుతున్నాయి.

రాష్ట్రంలో స్థిరమైన ప్రాంతంగా మార్చేందుకు రెడీగా ఉన్నామన్నారు. కూటమిని గెలిపిస్తే ఆ ఆశలు నెరవేరుతాయన్నారు. సమావేశంలో హిందూపురం పార్లమెంట్ అభ్యర్థి బీకే సారథి, జనసేన జిల్లా కన్వీనర్ వరుణ్, నేతలు పాల్గొని ప్రసంగించారు. కూటమిని గెలిపించేందుకు అందరు సిద్ధంగా ఉండాలని అభిప్రాయపడ్డారు. దీనికి కార్యకర్తలు మూకుమ్మడిగా పాటుపడాలని కోరారు.