Mahesh and Rajamouli : మహేష్, రాజమౌళి సినిమాపై అతిగా ఆశలు పెట్టుకుంటే నిరాశ తప్పదు!

Mahesh and Rajamouli

Mahesh and Rajamouli : దర్శకుడు రాజమౌళి, సూపర్ స్టార్ మహేష్ బాబు కాంబినేషన్‌లో రాబోతున్న సినిమాపై భారీ అంచనాలు నెలకొన్నాయి. ఈ సినిమాతో రాజమౌళి పాన్ వరల్డ్ మార్కెట్‌ను లక్ష్యంగా పెట్టుకున్నారు. దేశంలోని అన్ని ప్రధాన భాషల్లో ఈ చిత్రం విడుదల కానుంది. అయితే, ఈ సినిమా షూటింగ్ చాలా సుదీర్ఘంగా సాగనుంది.

ఒడిశాలో పూర్తయిన మొదటి షెడ్యూల్ కేవలం ఒక్క శాతం మాత్రమేనని, రాబోయే షెడ్యూల్స్‌లో భాగంగా వివిధ దేశాల్లో, దట్టమైన అడవుల్లో నెలల తరబడి షూటింగ్ చేయాల్సి ఉంటుందని తెలుస్తోంది. ఈ సినిమా రాజమౌళి కెరీర్‌లోనే అత్యంత కష్టమైన ప్రాజెక్ట్‌గా చెబుతున్నారు. అంతేకాకుండా, ఈ చిత్రాన్ని మూడు భాగాలుగా నిర్మించబోతున్నారట.

అంటే, రాజమౌళి మహేష్ బాబుతో ఈ ప్రాజెక్ట్ పూర్తి చేసేసరికి దాదాపు ఒక తరం పిల్లలు ఎదిగిపోతారని సినీ వర్గాల్లో చర్చలు జరుగుతున్నాయి. ఒక్కో భాగాన్ని పూర్తి చేయడానికి కనీసం మూడేళ్ల సమయం పట్టే అవకాశం ఉందని అంటున్నారు.