Hero Yash
Hero Yash : భార్యను సంతోష పెట్టాలంటే వేలు, లక్షలు, కోట్ల ఖరీదైన బహుమతులే ఇవ్వాల్సిన అవసరం లేదు. కేవలం చిన్న చిన్న సంతోషాలు ఇస్తే చాలు వాళ్లు బాగా సంబురపడిపోతారు. ఇలాంటి పని చేశాడు నటుడు యష్. తన భార్య ఐస్ క్యాండీ అడిగిందట. ఆమె అడగడమే తరువాయి. ఆయన పరుగున బయటకు వెళ్లాడు. కారులో ఎక్కడికో కాదండోయ్ ఆ గల్లీలోని ఒక చిన్న కిరాణ దుకాణానికి ఈ ఫొటోలు సోషల్ మీడియాలో షేర్ కాగా.. ఇప్పుడు వైరల్ గా మారాయి.
ఇటీవల యష్ కుటుంబం ఉత్తర కన్నడ జిల్లా, షిరాలీకి వెళ్లింది. అక్కడున్న చిత్రపుర మఠాన్ని సందర్శించుకున్నారు. తన భార్య ఐస్ క్యాండీ అడగడంతో దగ్గరలోని చిన్న దుకాణానికి వెళ్లాడు యష్. ఐస్ క్యాండీతో పాటు, చాక్లెట్లు కొన్నాడు. దీనికి సంబంధించిన ఫొటోలు సోషల్ మీడియా ప్లాట్ ఫాంలలో అభిమానులతో పంచుకున్నాడు. అవి కాస్త వైరల్ గా మారాయి. ‘ఫైవ్‌ స్టార్‌ హోటల్స్‌లో తినగలిగే స్థోమత కొనగలిగే సామర్థ్యం, విలాసవంత సౌకర్యాలు పొందే అవకాశం ఉన్నా, యష్ సింపుల్‌గా ఉన్నారు.’ అంటూ నెటిజన్లు ప్రశంసలు కురిపిస్తున్నారు.
బుల్లి తెర నటుడిగా కెరీర్ ప్రారంభించిన యష్ కన్నడ చిత్ర పరిశ్రమలో ఒక్కో మెట్టు ఎక్కుతూ పాన్‌ ఇండియా హీరోగా మారాడు. ఆయన నటించిన ‘కేజీఎఫ్‌’ బాక్సాఫీస్‌ వద్ద రూ. వందల కోట్లు వసూలు చేసింది. ప్రస్తుతం యష్ ‘టాక్సిక్‌’ ప్రాజెక్ట్ లో బిజీగా ఉన్నాడు. మలయాళ దర్శకురాలు గీతూ మోహన్‌దాస్‌ దీనిని తెరకెక్కిస్తున్నారు.