Hero Srikanth
Hero Srikanth in New Jersey Jaiswarajya TV Head Office : సినిమా నటుడు శ్రీకాంత్ అమెరికాలో పర్యటిస్తున్నారు. ప్రస్తుతం విభిన్న సినిమాల్లో నటిస్తూ తన కెరీర్ ను కొనసాగిస్తున్న విషయం తెలిసిందే. అమెరికాలోని తెలుగు వారి ఆహ్వానం మేరకు వివిధ కార్యక్రమాల్లో పాల్గొని వారిని ఆనందింపజేశారు. ముందుగా తెలంగాణ అమెరికన్ తెలుగు అసోసియేషన్ (టాటా) 3 రోజుల కన్వెన్షన్ సియాటెల్ (యూఎస్ఏ)లో పాల్గొన్నారు. ఈ కార్యక్రమానికి పలువురు తెలుగు సినిమా ప్రముఖులను ఆహ్వానించగా శ్రీకాంత్ హాజరయ్యారు.
ఈ కార్యక్రమం ముగిశాక న్యూజెర్సీ తెలుగు అసోసియేషన్ (NJTA)వారితో ‘మీట్ శ్రీకాంత్’ కార్యక్రమాన్ని జూన్ 10న సోమవారం ఎడిసన్ లోని గోదావరి రెస్టారెంట్ లో నిర్వహించారు. ఈ కార్యక్రమానికి 100కు పైగా ఎన్నారై తెలుగు ప్రముఖులు వచ్చి మీట్ అండ్ గ్రీట్ చేసి గౌరవప్రదంగా పుష్పగుచ్ఛం అందించి శ్రీకాంత్ ను స్టేజ్ మీదకు పిలిచారు. అందులో భాగంగా యూబ్లడ్ ఫౌండర్ డాక్టర్ జగదీశ్ బాబు యలమంచిలి ముఖ్య అతిథిగా హాజరై తన శుభాభివందనాలు తెలియజేశారు. అమెరికా వచ్చిన సందర్భంగా శ్రీకాంత్ కు అభినందనలు తెలిపారు.
కార్యక్రమంలో శ్రీకాంత్ మాట్లాడుతూ.. అమెరికాలోని తెలుగువారితో తనకున్న అనుభవాలను పంచుకున్నారు. న్యూయార్క్, న్యూజెర్సీ ఎన్నారై సోదరులు, అభిమానులు తనను కలువడానికి రావడంపై ఆనందం వ్యక్తం చేశారు. పలువురు అడిగిన ప్రశ్నలక ఆయన సమాధానాలు ఇచ్చారు. అనంతరం TFAS (తెలుగు ఫైన్ ఆర్ట్స్ సొసైటీ) అధ్యక్షుడు మధు అన్నా, వారి టీమ్ వచ్చి శ్రీకాంత్ కు సన్మాన పత్రం అందజేశారు. పాటల రచయిత చంద్రబోస్ రాసిన కవితలతో సన్మాన పత్రాన్ని శ్రీకాంత్ కు అందించడం విశేషం. ఈ కార్యక్రమంలో చిన్న వాసుదేవ రెడ్డి, మోహన్ పెండ్యాల, మంజుభార్గవ, బిందు మాదిరాజు, ఉష రావిల్ల, శ్రీకాంత్ సౌదం, రోజా వెంకట్, స్వాతి అట్లూరి, అనురాధ అరుణ్, మాధవి సేరి, శ్రీనివాస్ భార్తవరపు, ఖుషీ కౌండిన్య, క్రిష్ణవేణి, ఉషారాణి చింత, విజయ సప్ప, శ్రీని తొడుపునూరి, తారిక యెల్లాల తదితరులు పాల్గొన్నారు.
జై స్వరాజ్య టీవీ ఆఫీస్ ను ముచ్చటపడి..
గోదావరి రెస్టారెంట్ కు ఎదురుగానే ఉన్న jsw జైస్వరాజ్య టీవీ హెడ్ ఆఫీస్ ను సందర్శించమని హీరో శ్రీకాంత్ ను యూబ్లడ్ ఫౌండర్ డాక్టర్ జై జగదీశ్ బాబు యలమంచిలి, గ్లోబల్ డైరక్టెర్ డాక్టర్ శివకుమార్ ఆనంద్ ఆహ్వానించారు. దీంతో అక్కడికి చేరుకున్న శ్రీకాంత్ స్టూడియోను విజిట్ ఎంతో సంతోషపడ్డారు. స్టూడియో చాలా బాగుందని, బాగా డిజైన్ చేశారన్నారని మెచ్చుకున్నారు. టెక్నికల్ గా అత్యాధునికంగా ఉందని కొనియాడారు.
ఈసందర్భంగా యూబ్లడ్ ఫౌండర్ డాక్టర్ జగదీష్ బాబు యలమంచిలి గారు తన స్టూడియోకు వచ్చిన శ్రీకాంత్ కు తాను స్థాపించిన ‘యూబ్లడ్’ ప్రాముఖ్యతను వివరించారు. సోనూ సూద్ యూబ్లడ్ బ్రాండ్ అంబాసిడర్ గా ఉన్నారని చెప్పారు. ఎన్నో లక్షల మందికి ప్రాణదాతగా యూబ్లడ్ యాప్ ను రూపొందించినట్టు వివరించారు. యూబ్లడ్ గురించి ఫౌండర్ జగదీశ్ బాబు చెప్పిన వివరాలపై శ్రీకాంత్ హర్షం వ్యక్తం చేశారు. కొన్ని లక్షల మందికి ఈ యాప్ ఉపయోగపడడంపై జగదీశ్ బాబుపై ప్రశంసల వర్షం కురిపించారు. మీరు చేస్తున్న సేవలు ఎంతో గొప్పవని కొనియాడారు. తాను నిజంగా ఇంప్రెస్ అయ్యాయని శ్రీకాంత్..డాక్టర్ జగదీశ్ బాబును మరోసారి ప్రశంసించారు.
అనంతరం గ్లోబల్ డైరెక్టర్ డాక్టర్ శివకుమార్ ఆనంద్ తన కున్న అనుభవాలను శ్రీకాంత్ తో పంచుకున్నారు. ఎన్టీఆర్ తో ఉన్న అనుబంధాన్ని చెప్పుకొచ్చారు. ఈ విషయమై శ్రీకాంత్ మాట్లాడుతూ ఎన్టీఆర్ తో తనకు దక్కని అదృష్టం మీకు దక్కినందుకు ఎంతో సంతోషంగా ఉందని శివకుమార్ ను అభినందించారు. మిమ్మల్ని కలవడం చాలా సంతోషంగా ఉంది.
Photos courtesy of Dr. Sivakumar Anand, JSW, Global Director, Jaiswarajya TV
Photo Gallery :
