Hero Nani
Hero Nani : నేచురల్ స్టార్ నానికి ప్రభాస్ అంటే చాలా ఇష్టం అని ఇండస్ట్రీ మొత్తానికి తెలుసు. ప్రభాస్ పై తనకు ఉన్న ప్రేమ, ఇష్టాన్ని చాలా సందర్భాల్లో వివరించాడు వ్యక్తం చేశాడు కూడా. ఇటీవల ‘కల్కి 2898 ఏడీ’ రిలీజైన నేపథ్యంలో నాని ప్రభాస్ విషయంలో ఒక వివాదంలో ఇరుక్కున్నాడు. ప్రభాస్ పై బాలీవుడ్ నటుడు అర్షద్ వార్సీ కామెంట్ చేశాడు. అయితే దీనిపై నాని వేగంగా స్పందించాడు. అర్షద్ తన కెరీర్ లోనే బెస్ట్ పబ్లిసిటీ పొందుతున్నాడని కామెంట్ చేశాడు. అయితే, దీనిపై నాని ఆ తర్వాత నాలుక కరుచుకున్నాడు. తను తప్పు మాట్లాడానని చెప్పారు.
సరిపోదా శనివారం రిలీజ్ నేపథ్యంలో ప్రమోషన్ ఇంటర్వ్యూలు ఇచ్చారు నాని. ఒక చోట ఇచ్చిన ఇంటర్వ్యూలో నాని తను అర్షద్ వార్సీపై తప్పుగా మాట్లాడానని ఒప్పుకున్నాడు. తాను ఈ విషయంలో క్షమాపణలు కూడా చెప్తున్నానని చెప్పారు. అయితే పూర్తి వీడియో చూడకుండా కామెంట్ చేయడం తన తప్పేనని చెప్పాడు. కల్కి 2898 ఏడీలో ప్రభాస్ జోకర్ (కమెడియన్) లా కనిపించాడని అర్షద్ కామెంట్ చేసిన సందర్భాన్ని నాని అర్షద్ వార్సీ ఫుల్ వీడియో చూసి అర్థం చేసుకున్నాడు.
ఈ వివాదం అక్కడితో ముగిసిందని అందరూ భావించారు. కానీ ఆగస్ట్ 29న విడుదల కానున్న తన కొత్త చిత్రం ‘సరిపోద శనివారం’కు ముందు నాని తన చివరి పంచ్ బుధవారం సంధించారు. అర్షద్ వార్సీతో కలిసి నాని నటించే ఆలోచనలో ఉన్నాడా? అని ఓ అభిమాని అడగ్గా.. ‘కల్కి 2లో మాత్రం కచ్చితంగా లేదు’ అని బదులిచ్చాడు.
కనీసం రెండో భాగంలోనైనా కల్కి టీం జాగ్రత్తలు తీసుకోవాలని అర్షద్ వార్సీ సూచించాడు. ఇదే విషయాన్ని నాని వ్యంగ్యంగా ప్రస్తావిస్తూ ఈ చివరి పంచ్ ను అభిమానులు తెగ ఇష్టపడుతున్నారు. వివేక్ ఆత్రేయ దర్శకత్వంలో వచ్చిన ‘సరిపోద శనివారం’ పాజిటివ్ టాక్ తో బాగానే నడుస్తుంది.