Kajol-Prabhudeva : 27 ఏళ్ల తర్వాత మళ్లీ కలిసి నటిస్తున్న హీరో, హీరోయిన్లు..
Kajol-Prabhudeva
Kajol-Prabhudeva : వీరి పెయిర్ బాలీవుడ్ లో సంచలనం రేపింది. కలిసి పని చేసింది ఒక్క సినిమానే అయినా చాలా ఫేమస్ అయ్యారు. దేశం మొత్తం వారి పెయిర్ గురించే మాట్లాడుకునేలా చేశారు. ఆ జంటే కాజోల్, ప్రభుదేవా ఇక ఆ సినిమా పేరు ‘మెరుపు కలలు’. రాజీవ్ మీనన్ దర్శకత్వం, ఏఆర్ రహెమాన్ సంగీతంలో సాంగ్స్ తో పాటు సినిమా కూడా బక్సాఫీస్ వద్ద కలెక్షన్ల వర్షం కురిపించింది. ఈ సినిమాలోని పాటలు ఇప్పుటికీ వింటూనే ఉంటారు అనడంలో సందేహం లేదు.
27 ఏళ్ల తర్వాత కాజోల్, ప్రభుదేవా మళ్లీ వెండితెరపై కనిపించబోతున్నారు. ప్రముఖ తెలుగు దర్శకుడు చరణ్ తేజ్ ఉప్పలపాటి దర్శకత్వం వహిస్తున్న ఈ చిత్రం బాలీవుడ్ లో కూడా అడుగుపెట్టబోతోంది. భారీ బడ్జెట్ యాక్షన్ థ్రిల్లర్ గా తెరకెక్కనున్న ఈ చిత్రం విజువల్ అండ్ స్టోరీ ట్రీట్ గా ఉండబోతోంది. ఈ చిత్రంలో నసీరుద్దీన్ షా, సంయుక్త మీనన్, జిషు సేన్ గుప్తా, ఆదిత్య సీల్ వంటి ఇండస్ట్రీ లెజెండ్స్ కీలక పాత్రల్లో నటిస్తున్నారు.
నసీరుద్దీన్ షా, కాజోల్ స్క్రీన్ షేర్ చేసుకోవడం ఇదే తొలిసారి కావడం గమనార్హం. ఇప్పటికే మొదటి షెడ్యూల్ విజయవంతంగా పూర్తి చేసుకున్న ఈ మాస్ ఎంటర్‌టైనర్ షూటింగ్ శరవేగంగా జరుగుతోంది. త్వరలోనే టీజర్ ను విడుదల చేసేందుకు దర్శకనిర్మాతలు సన్నాహాలు చేస్తున్నారు.
చరణ్ తేజ్ ఉప్పలపాటి ప్రతిష్టాత్మక వెంచర్ కు టాప్ టైర్ టెక్నీషియన్స్ సపోర్ట్ చేయడం, హై ప్రొడక్షన్ వాల్యూస్, టెక్నికల్ ఎక్సలెన్స్. జి.కె.విష్ణు సినిమాటోగ్రఫీ అందిస్తున్న ఈ చిత్రానికి హర్షవర్ధన్ రామేశ్వర్ సంగీతం అందిస్తుండగా, నవీన్ నూలి ఎడిటింగ్ అందిస్తున్నారు. నిరంజన్ అయ్యంగార్, జెస్సికా ఖురానా స్క్రీన్ ప్లే రాశారు.
1997లో రాజీవ్ మీనన్ దర్శకత్వం వహించిన తమిళ చిత్రం ‘మిన్సారా కనవు’ (మెరుపు కలలు) లో చివరిసారిగా కలిసి నటించిన కాజోల్, ప్రభుదేవా కలయిక విశేషం. వీరిద్దరి ఆన్ స్క్రీన్ కెమిస్ట్రీకి మంచి ఆదరణ లభించడంతో ఈ సినిమాలో వీరిద్దరు మళ్లీ వెండితెరపైకి వస్తారని అభిమానులు ఆసక్తిగా ఎదురుచూస్తున్నారు.