Sai Pallavi : ఇకపై డాక్టర్ సాయి పల్లవి.. గ్రాడ్యుయేషన్ డే లో పాల్గొన్న యువ నటి
Sai Pallavi Graduation Day
Sai Pallavi : నిజ జీవితంలో డాక్టర్ అవుదామనుకుని సినీ ఇండస్ట్రీకి వచ్చి యాక్టర్ అయ్యాయని చెప్పేవాళ్లు చాలా మంది ఉంటారు. ఇలాంటి కోవకు చెందిన నటే సాయి పల్లవి. అందం, అభినయంతో పాటు తెలుగులో ఫిదా సినిమాతో లక్షల మంది ఫ్యాన్స్ ను సంపాదించుకుంది. ఆ తర్వాత మిడిల్ క్లాస్ అబ్బాయి సినిమాలో నానితో జతకట్టింది. నాగచైతన్య, నాని, వరుణ్ తేజ్, రానా దగ్గుబాటి లాంటి టాప్ హిరోలతో కలిసి నటించింది. తమిళ్ లో దనుష్ లాంటి టాప్ హిరోతో కలిసి యాక్ట్ చేసింది. గ్లామర్ రోల్స్ కాకుండా బలమున్న క్యారెక్టర్లు చేయడంలో సాయి పల్లవి మిన్న.
సాయి పల్లవి హిరోయిన్ గా రిటైర్డ్ అయ్యాక తాను డాక్టర్ గా స్థిరపడాలని అనుకుంటున్నా అని గతంలో ఒక ఇంటర్వ్యూలో తెలిపింది. జార్జియాలో మెడిసిన్ పూర్తి చేసినా సాయి పల్లవి టీబీలీసీ స్టేట్ మెడికల్ యూనివర్సిటీలో గ్రాడ్యుయేషన్ డేకు హాజరైంది. ఈ ఫోటోలు సోషల్ మీడియాలో వైరల్ గా మారాయి. తనతో పాటు అక్కడ చదువుకున్న ఫ్రెండ్స్, లెక్చరర్స్ ను ఆమె పలకరించిన వీడియో బయటకు వచ్చింది.
ప్రస్తుతం తెలుగులో చందు మొండేటి దర్శకత్వం వహిస్తున్న మూవీలో సాయి పల్లవి హిరోయిన్ క్యారెక్టర్ చేస్తోంది. ఈ మూవీలో హిరోగా నాగ చైతన్య చేస్తుండగా.. గుజరాత్ సాగర తీరంలో జరిగిన యథార్థ సంఘటన ఆధారంగా సినిమాను తెరకెక్కిస్తున్నారు. ఈ మూవీని డిసెంబర్ 20వ తేదీన రిలీజ్ చేయాలని చిత్ర బృందం నిర్ణయించింది. అయితే దీనికి సంబంధించిన వివరాలు ఇంకా పూర్తిగా బయటకు రాలేవు.
సాయి పల్లవి మొదటి సారి బాలీవుడ్ లో అడుగు పెడుతోంది. రామాయణ్ సినిమాలో సీత క్యారెక్టర్ గా సాయి పల్లవిని ఎంపిక చేశారు. ఈ మూవీలో రాముడిగా రణ్ బీర్ కపూర్ నటించనున్నారు. పాన్ ఇండియా లెవల్లో తెరకెక్కుతున్న ఈ చిత్రంలో సౌత్ ఇండియా నుంచి సీత క్యారెక్టర్ ను సాయి పల్లవి పోషించనుండటంతో ఆమె పేరు ప్రస్తుతం బాలీవుడ్ మీడియాలో ఫిల్మ్ ఇండస్ట్రీలో మార్మోగిపోతుంది.