Star Heroes New Movies
Star Heroes New Movies : టాలీవుడ్ హీరోలు ఇప్పుడు పాన్ ఇండియా, పాన్ వరల్డ్ స్టార్లు. తెలుగు హీరోల విజయ పరంపర బాహుబలి నుంచి ఏక ఛత్రాదిపత్యంగా కొనసాగుతోంది. మనోళ్లు ఏ సినిమా చేసినా అది పాన్ ఇండియా లెవల్ లో భారీ కలెక్షన్లను దక్కించుకుంటుంది. ఈ నేపథ్యంలో ఏ స్టార్ ఏ సినిమా షూటింగ్ లో బిజీగా ఉన్నారో ఒక లుక్కేదాం..
‘కల్కి 2898 ఏడీ’ సక్సెస్‌ను ఎంజాయ్ చేస్తూనే ప్రభాస్ తన నెక్ట్స్ మూవీ షూటింగ్ కానిచ్చేస్తున్నారు. డార్లింగ్ తన తర్వాతి సినిమాను మారుతి దర్శకత్వంలో చేస్తున్నారు. ఆ మూవీపేరు ‘రాజాసాబ్’. ఈ సినిమా హర్రర్ కామెడీగా ఉంటుందని తెలుస్తోంది. ప్రస్తుతం షూటింగ్ జరుగుతోంది.
సోషియో ఫాంటసీగా మెగాస్టార్ చిరంజీవితో దర్శకుడు వశిష్ట సినిమా తెరకెక్కిస్తున్నారు అదే ‘విశ్వంబర’. ఈ సినిమా చేస్తున్న చిరంజీవి ఏ మాత్రం బ్రేక్ తీసుకోకుండా షూటింగ్ చేస్తున్నాడు. ప్రస్తుతం అన్నపూర్ణ స్టూడియోలో విశ్వంభర షూటింగ్ వేగంగా జరుగుతోంది.
‘మిస్టర్ బచ్చన్‌’ షూటింగ్ కోసం రవితేజ కశ్మీర్‌ కు వెళ్లారు. హరీష్ శంకర్‌ దర్శకత్వంలో వస్తున్న ఈ సినిమాలో కొన్ని కీలకమైన సీన్స్ తో పాటు సాంగ్స్ చిత్రీకరించేందుకు ప్లాన్ చేశారు.
ఇక ఐకాన్ స్టార్ అల్లు అర్జున్ పుష్ప సక్సెస్, తనకు ఉత్తమ జాతీయ నటుడిగా అవార్డు రావడంతో పుష్ప2 కోసం మరింత కష్టపడుతున్నాడు. పుష్ప2 రామోజీ ఫిలిం సిటీలో వేగంగా జరుగుతోంది.
నిన్న, మొన్నటి వరకు ఎన్నికల బిజీలో ఉన్న బాలయ్య బాబు మళ్లీ సినిమాలపై ఫోకస్ పెట్టారు. జూలై 4 నుంచి హైదరాబాద్‌లో #NBK 109 షెడ్యూల్‌ ప్రారంభం కానుంది.
దుల్కర్ సల్మాన్ హీరోగా తెరకెక్కుతున్న ‘లక్కీ భాస్కర్‌’ షూటింగ్ ప్రస్తుతం ముంబైలో జరుగుతోంది.
మెగా హీరోలైన సాయిధరమ్ తేజ్, వరుణ్ తేజ్ కూడా వారి వారి సెట్స్‌లో బిజీగానే ఉన్నారు. రోహిత్ డైరెక్షన్‌లో సాయిధరమ్ తేజ్ నటిస్తున్న కొత్త చిత్రం షూటింగ్ తుక్కుగూడలో జరుగుతోంది. ఇక, వరుణ్ ‘మట్కా’ షూటింగ్ మోయినాబాద్‌లో జరుగుతోంది.
