Manchu Vishnu : భార్య కోసం హెలీ కాప్టర్.. మంచు విష్ణు సాహసం..?

Manchu Vishnu

Manchu Vishnu : చాలా కాలంగా సినిమాలో కనిపించని మంచు విష్ణు ఇప్పుడు భారీ ప్రాజెక్ట్ అండ్ తన డ్రీమ్ ప్రాజెక్ట్ అయిన ‘కన్నప్ప’తో బిజీగా ఉన్నాడు. ఈ ప్రాజెక్ట్ ఫస్ట్ షెడ్యూల్ ఇప్పటికే పూర్తయ్యింది. సెకండ్ షెడ్యూల్ షూటింగ్ కోసం ఇటీవల న్యూజిలాండ్ కు వెళ్లింది మూవీ టీం. అక్కడ రెండో షెడ్యూల్‌ ప్రారంభమైనట్లు తెలుస్తోంది. ఈ మూవీలో పలువురు టాలీవుడ్‌ ప్రముఖులు నటిస్తున్నట్లు తెలుస్తోంది.

సినిమా షూటింగ్ లతో బిజీగా ఉన్నా కూడా విష్ణు తన ఫ్యామిలీ, భార్య కోసం సమయం కేటాయిస్తూనే ఉంటాడు. తన 15 వెడ్డింగ్ యానివర్సరీ సందర్భంగా తన భార్య విరానికాకు సర్ ప్రైజ్ ఇవ్వాలని ప్లాన్ చేసుకున్నాడు. ఇందులో భాగంగా ఒక కొండపైకి తీసుకెళ్లి హెలీ కాప్టర్ రైడ్ కు తీసుకెళ్లాడు. ఆ హెలీ కాప్టర్ లో వెడ్డింగ్ యానివర్సరీ అంటూ శుభాకాంక్షలు చెప్పాడు.

న్యూజిలాండ్ లో షూటింగ్ జరుగుతున్నా కూడా తన భార్య కోసం సమయం కేటాయించి మరీ హెలీ కాప్టర్ రైడ్ ప్లాన్ చేశాడు. ఇది ఆమెకు సర్ ప్రైజ్. దీనికి సంబంధించిన వీడియోను తన ఇన స్టాలో పోస్ట్ చేశాడు విష్ణు. ఇది చూసిన అభిమానులు విష్ణు-విరానికాకు పెళ్లి రోజు శుభాకాంక్షలు చెబుతున్నారు.

మోహన్ బాబు వారుసుడిగా ఇండస్ట్రీలోకి వచ్చిన విష్ణు తనకంటూ గుర్తింపు సంపాదించుకున్నారు. తన భార్య విరానికా రెడ్డిని మార్చి 1, 2009న లవ్ మ్యారేజ్ చేసుకున్నారు. ఈ జంటకు అరియానా, వివియానా, ఐరా, అర్వం అనే పిల్లలు ఉన్నారు. విరానికా కూడా ఫ్యాషన్‌ డిజైనర్‌, బిజినెస్ ఉమెన్ గా రాణిస్తున్నారు.