Heavy rains : తిరుమలలో భారీ వర్షాలు.. కూలిన చెట్టు

Heavy rains : ఏపీ తిరుమలలో భారీ వర్షాలు పడుతున్నాయి. శనివారం రాత్రి ఈదురుగాలులతో కూడిన వాన పడింది. తిరుమల బాట గంగమ్మ గుడి దగ్గర పెద్ద చెట్టు కూలిపోవడంతో పార్కింగ్ చేసిన వాహనాలు ధ్వంసమయ్యాయి. కూలిన చెట్టును తొలగించకపోవడంతో భక్తులు తీవ్ర ఇబ్బంది పడుతున్నారు. వాహనాల రాకపోకలకు అంతరాయం ఏర్పడింది.

ఇటీవల తిరుమలలో జాపాలి తీర్థం దగ్గర కూడా చెట్టు కొమ్మ విరిగి ఓ భక్తురాలి మీద పడింది. నడుచుకుంటూ వెళ్తున్న మహిళపై చెట్టుకొమ్మ పడడంతో ఆమెకు తీవ్ర గాయాలయ్యాయి. కుప్పకూలిన మహిళను హుటాహుటిన ఆసుపత్రికి తరలించారు.