Rain Alert : హైదరాబాద్ కు భారీ వర్ష సూచన – అప్రమత్తంగా ఉండాలని హెచ్చరించిన వాతావరణ శాఖ

Rain Alert in Hyderabad

Rain Alert : జీహెచ్ఎంసీ పరిధిలో భారీ వర్షం కురిసే అవకాశముందని, నగర వాసులు అప్రమత్తంగా ఉండాలని వాతావరణ శాఖ హెచ్చరిక జారీ చేసింది. వర్షం కారణంగా ఇబ్బందులు ఏర్పడితే టోల్ ఫ్రీ నంబర్లు 040 2111 1111, 90001 13667కు సమాచారం అందించాలని తెలిపారు. రాష్ట్ర వ్యాప్తంగా రానున్న ఐదు రోజులు తేలికపాటి నుంచి మోస్తరు వర్షాలు కురిసే అవకాశముందని హైదరాబాద్ వాతావరణ కేంద్రం తెలిపింది. సోమవారం ఉమ్మడియఆదిలాబాద్, నిజామాబాద్, ఖమ్మం, నల్గొండ, ఉమ్మడి మహబూబ్ నగర్, రంగారెడ్డి, హైదరాబాద్ లో మోస్తరు వర్షాలు కురుస్తాయని వెల్లడించింది.

ఆదివారం తెలంగాణలోని పలు జిల్లాల్లో మోస్తరు నుంచి భారీ వర్షం కురిసింది. ఆదిలాబాద్ జిల్లా జైనథ్ మండలం గిమ్మలో పిడుగుపాటుకు ఒకరు మృతి చెందగా నలుగురికి గాయాలయ్యాయి. సంగారెడ్డి, మెదక్ జిల్లాల్లోనూ గాలివాన బీభత్సం సృష్టించింది. పలు ప్రాంతాల్లో ఈదురుగాలులకు ధాన్యం రాశులపై కప్పిన టార్పాలిన్ కవర్టు ఎగిరిపోవడంతో ధాన్యం తడిసిపోయింది. పెద్దశంకరంపేట మండలం రామోజీపల్లిలో పిడుగుపాటుకు తండ్రీకుమారుడు మృతిచెందారు. సంగారెడ్డి జిల్లా నాగలిగిద్ద మండలం ముక్తాపూర్ లో 5.1 పెం.మీ., మొగుడంపల్లిలో 2.6, మెదక్ జిల్లా పాపన్నపేట మండలం లింగాయిపల్లిలో 1.9 సెం.మీ. వర్షపాతం నమోదయింది.