Pawan Kalyan : మే 2న పవన్ ఫ్యాన్స్ కు పూనకాలే..
Pawan Kalyan
Pawan Kalyan : టాలీవుడ్‌లో ఎక్స్ ట్రార్డినీర ఫ్యాన్ ఫాలోయింగ్ ఉన్న హీరో పవర్ స్టార్ పవన్ కల్యాణ్. మెగాస్టార్ అండతో సినిమాల్లోకి వచ్చినా ఆ ముద్ర పడనివ్వలేదు. తనదైన సినిమాలతో ప్రేక్షకులను అలరించాడు. ఇటీవల వరుస సినిమాలతో జోరు చూపిస్తున్నాడు. కెరీర్ లో ఇప్పటి వరకు ఇంత వేగంగా సినిమాలు చేయని పవన్ మరింత ఉత్సాహంతో ముందుకు దూసుకుపోతున్నాడు. ‘వకీల్ సాబ్’, ‘భీమ్లా నాయక్’, ‘బ్రో’ చిత్రాలతో సందడి చేశాడు. ఇప్పుడు ఏక కాలంలో మూడు సినిమాలు సెట్స్ మీద ఉన్నాయి. ఒకే సారి మూడు సినిమాలు సెట్స్ మీద ఉండడం పవన్ కెరీర్ లో ఇదే తొలిసారి.
చారిత్రక నేపథ్యంలోపవర్ స్టార్ పవన్ కల్యాణ్ ప్రస్తుతం నటిస్తున్న సినిమా ‘హరిహర వీరమల్లు’ . టాలీవుడ్‌ క్రియేటివ్ డైరెక్టర్ క్రిష్ జాగర్లమూడి ఈ సినిమాకు దర్శకుడు. మొగల్ చక్రవర్తుల కాలం నాటి బ్యాక్ డ్రాప్ తో ఈ సినిమా తీస్తున్నారు. కథా పరంగా సినిమా భారీ బడ్జెట్‌తో తెరకెక్కుతున్నది. దీంతో ఈ సినిమాపై భారీ స్థాయిలో అంచనాలు ఏర్పడ్డాయి. అందుకు ఏమాత్రం తీసిపోకుండా ఎంతో ప్రతిష్టాత్మకంగా ఈ మూవీని తెరకెక్కిస్తున్నారు.
మొగల్ చక్రవర్తుల కథతో రూపొందుతున్న హరిహర వీరమల్లు సినిమా చిత్రీకరణ చాలా రోజుల క్రితమే ప్రారంభమైంది. కానీ, అనుకోని కారణాల వల్ల చిత్రీకరనలో ఆటంకాలు ఎదురవుతున్నాయి. ఈ పరిస్థితుల్లో దీనికి సంబంధించిన టాకీ పార్టును వీలైనంత తొందరగా పూర్తి చేయాలని యూనిట్ భావిస్తున్నది. కానీ, ఎన్నికల కారణంగా ఈ సినిమా షూటింగ్ ను చాలా రోజుల పాటు నిలిపి వేయాల్సి వచ్చింది.
‘హరిహర వీరమల్లు’ మూవీ టీజర్‌‌ను మే 2వ తేదీన ఉదయం 9 గంటలకు విడుదల చేస్తున్నటు అప్ డేట్ వచ్చింది. దీనికి సంబంధించిన వివరాలను మేకర్స్ అధికారికంగా వెల్లడించారు. ‘ధర్మం కోసం యుద్దం’ అనే క్యాప్షన్‌ను కూడా పెట్టింది. ఈ బ్యాగ్రౌండ్ చూస్తుంటే ఏదో యుద్ధం తాలూకు విజువల్ గా స్పష్టమవతుంది. మొత్తానికి పవన్ ఫ్యాన్స్ దీనిపై సంబురాలు చేసుకుంటున్నారు.
‘హరిహర వీరమల్లు’ సినిమా పాన్ ఇండియా రేంజ్‌లో రిలీజ్ చేయబోతున్నారు. ఇందులో నిధి అగర్వాల్ కీలక పాత్రలో నటిస్తున్నది. బాబీ డియోల్ విలన్‌ రోల్ చేస్తున్నాడు. కీరవాణి సంగీతం అందిస్తున్నారు. ఈ సినిమాను మెగా సూర్య ప్రొడక్షన్స్ బ్యానర్‌పై ఏఎమ్ రత్నం రూపొందిస్తున్నారు.