Seized gold
seized gold : సంగారెడ్డి జిల్లాలో పోలీసులు ఓ ప్రైవేటు ట్రావెల్ బస్సులో భారీగా బంగారం పట్టుకున్నారు. మునిపల్లి మండలం కంకోల్ టోల్ ప్లాజా వద్ద జాతీయ రహదారిపై ఓ ప్రైవేట్ ట్రావెల్స్ బస్సులో తనిఖీలు చేపట్టిన్న టాస్క్ ఫోర్స్ పోలీసులకు సుమారు 4.8 కిలోల బంగారు ఆభరణాలను పట్టుబడ్డాయి. ముంబై నుంచి హైదరాబాద్ కు వీటిని తరలిస్తున్నట్లు గుర్తించారు. సరైన పత్రాలు లేకపోవడంతో చంద్రేష్ అనే వ్యక్తి నుంచి ఈ బంగారాన్ని స్వాధీనం చేసుకున్నట్లు అధికారులు తెలిపారు. బంగారంతో పాటు తరలిస్తున్న వ్యక్తిని సంగారెడ్డి పోలీస్ స్టేషన్ కు తరలించారు. ఆభరణాలకు సంబంధించి సరైన రికార్డులు లేకపోవడంతో అదంతా వ్యాపారులు బ్లాక్ దందాలో భాగంగా రవాణా చేస్తున్నట్లు పోలీసులు భావిస్తున్నారు.