Tirumala Laddu : నేడు తిరుమల లడ్డూ వివాదంపై సుప్రీంకోర్టులో విచారణ

Tirumala Laddu

Tirumala Laddu : తిరుమల లడ్డూ కల్తీపై వచ్చిన పిటిషన్లపై సుప్రీంకోర్టు ఈరోజు విచారణ చేపట్టనుంది. ఇది అత్యంత కీలకమైన కేసు కావడంతో సుప్రీంకోర్టు సంచలన నిర్ణయం తీసుకోనుంది. ఈ కేసు విచారణ కోసం రాష్ట్ర ప్రభుత్వం ఏర్పాటు చేసిన సిట్ తో విచారణ జరిపించాలా లేక కేంద్ర దర్యాప్తు సంస్థ సీబీఐకి ఈ కేసును అప్పగించాలా అనే అంశంపై ఈరోజు సుప్రీంకోర్టు తీర్పును వెల్లడించనుంది.

లడ్డూ తయారికి ఉపయోగించిన నెయ్యిలో జంతువుల కొవ్వు కలిసిందా లేదా అని విచారణకు వేసిన సిట్ మూడు రోజుల పాటు విచారణ చేపట్టింది. ఈ వ్యవహారం సుప్రీంకోర్టుకు చేరడం, న్యాయస్థానం దీనిపై ఆరోపణలు చేసిన ఏపీ సీఎం చంద్రబాబు దగ్గరున్న ఆధారాలు ఏంటని ప్రశ్నించింది. దీనికి కొనసాగింపుగానే ఆంధ్రప్రదేశ్ డైరెక్టర్ జనరల్ ఆఫ్ పోలీస్ ద్వారకా తిరుమలరావు ఈ కేసులో సిట్ విచారణను నిలిపివేస్తున్నట్లుగా ప్రకటించారు.