Smriti Mandhana
Smriti Mandhana : ఆటతోనే అందంతోనూ లక్షలాది అభిమానులను సంపాదించకున్నది స్మృతి మంధాన. మహిళల క్రికెట్ లో స్టార్ బ్యాటర్ గా సత్తా చాటుతున్న ఈ ముద్దుగుమ్మ..అందంలో సినిమా హీరోయిన్లకు ఏమాత్రం తగ్గదు. దీంతో ఈమెను ఎంతో మంది కుర్రకారు ఫాలో అవుతుంటారు. తాజాగా ఆమెకు సంబంధించిన ఓ సోషల్ మీడియా పోస్ట్ చూసి యువకుల గుండెలు పగిలిపోయాయి. మ్యూజిక్ కంపోజర్ పలాశ్ ముచ్చల్ తో ఆమె రిలేషన్ ఓపెన్ కావడమే అందుకు కారణం.
స్మృతి మంధాన గత ఐదేళ్లుగా పలాశ్ తో రిలేషన్ లో ఉందట. దీంతో తమ రిలేషన్ షిప్ కు గుర్తుగా కేక్ కట్ చేసిన ఫొటోలను పలాశ్ సోషల్ మీడియాలో పోస్ట్ చేశాడు. ఆ పోస్టుకు స్మృతి కూడా స్పందించింది. ఇక ఆ ఫొటోలను చూడగానే నెటిజన్లు ‘క్యూట్’ అంటూ కామెంట్ల వర్షం కురిపిస్తున్నారు. కొందరమో హృదయం ముక్కలైంది అన్న సింబల్స్ పెడుతున్నారు. వీరిద్దరూ డేటింగ్ లో ఉన్నారంటూ గత కొద్దికాలంగా వస్తున్న రూమర్స్ కు చెక్ పెడుతూ పలాశ్ వారి బంధాన్ని బయటపెట్టాడు.
29 ఏండ్ల పలాశ్ ఒక మ్యూజిక్ కంపోజర్. టీ సిరీస్, జీ మ్యూజిక్, పాల్ మ్యూజిక్ కోసం పలు మ్యూజిక్ వీడియోలు చేశాడు. అలాగే రిక్షా(వెబ్ సిరీస్), అర్థ్(సినిమా)కు దర్శకత్వం కూడా వహించాడు. ఇతడి సోదరి పలక్ ముచ్చల్ కూడా బాలీవుడ్ లో సింగర్ గా రాణిస్తోంది. గతంలో స్మృతి పియానో వాయిస్తోన్న వీడియోను షేర్ చేసి..న్యూ స్టూడెంట్ అంటూ పలాశ్ రాసుకొచ్చిన సంగతి తెలిసిందే.