Gun Shot on the doctor
Shot on the doctor : ఢిల్లీలోని ఓ ఆస్పత్రిలో దారుణం చోటుచేసుకుంది. గుర్తు తెలియని ఇద్దరు వ్యక్తులు వైద్యం కోసం వెళ్లి డాక్టర్ పై కాల్పులు జరిపారు. గాయాలతో ఆసుపత్రికి వచ్చిన ఇద్దరు వ్యక్తులు చికిత్స అనంతరం ఏకంగా డాక్టర్ పైనే కాల్పులు జరిపారు. నిమా ఆస్పత్రిలో ఈ ఘటన చోటుచేసుకుంది. పోలీసులు, ఆస్పత్రి సిబ్బంది తెలిపిన ప్రకారం.. ఇద్దరు గుర్తు తెలియని వ్యక్తులు గాయాలతో హాస్పిటల్ కు వచ్చారు. వారికి అక్కడి సిబ్బంది డ్రెస్సింగ్ చేసిన తర్వాత వారు డాక్టర్ ను కలవాలని డాక్టర్ గదిలోకి ప్రవేశించారు. అనంతరం వారు కాల్పులు జరపడంతో డాక్టర్ అక్కడికక్కడే మృతి చెందాడు. దీనికి సంబంధించిన దృశ్యాలు సీసీ టీవీలో రికార్డయ్యాయి. కేసు నమోదు చేసుకున్న పోలీసులు కేసు నమోదు చేసి దర్యాప్తు చేస్తున్నారు.