Trivikram Srinivas
Trivikram Srinivas : సూపర్ స్టార్ మహేష్ బాబు, స్టార్ దర్శకుడు త్రివిక్రమ్ శ్రీనివాస్ కాంబినేషన్ లో వచ్చిన సినిమా గుంటూరు కారం. ఎన్నో అంచనాలతో విడుదలైంది. కానీ బాక్సాఫీసు దగ్గర బోల్తా పడింది. శ్రీనివాస్ మాటల మంత్రం పనిచేయలేదు. దీంతో గుంటూరు కారం ప్రేక్షకుల అంచనాలు అందుకోలేకపోయింది. త్రివిక్రమ్ లాంటి పదునున్న దర్శకుడు ఇలాంటి సినిమా తీశాడా అనే సందేహాలు అందరిలో వచ్చాయి.
గుంటూరు కారంలో త్రివిక్రమ్ పంచ్ డైలాగులు లేవు. అతడు, ఖలేజా సినిమాలు వీరిద్దరి కాంబినేషన్ లో వచ్చినా అందులో కనీసం మాటలైనా బాగుంటాయి. కానీ ఇందులో మాటలు కూడా లేవు. మరి సినిమా ఎందుకు తీశాడో అర్థంకాదు. కథలో కొత్తదం లేదు. పాత్రలకు డైలాగులు లేవు. ఏదో తీయాలనే ఉద్దేశమే తప్ప ఎక్కడ కూడా పంచులు పడలేదు.
త్రివిక్రమ్ సినిమాలో మంచి ఎమోషనల్స్ ఉంటాయి. కథలో పెద్దగా కొత్తదనం లేకపోయినా దానికి దీనికి ముడేసి నడిపిస్తుంటాడు. గుంటూరు కారంలో అవేమీ కనిపించవు. మహేష్ బాబు డ్యాన్సులతో సినిమా నెట్టుకొచ్చాడు. అంత మాత్రం పేరు వచ్చిందంటే అది మహేష్ బాబు చలవే అంటున్నారు. రైటర్ నుంచి డైరెక్టర్ గా నువ్వే నువ్వే సినిమాతో మారాడు త్రివిక్రమ్. తన పంచు డైలాగులతో మెప్పించేవాడు.
తెలుగు దర్శకుల్లో టాప్ 2,3 స్థానాల్లో ఉండే త్రివిక్రమ్ ఈ సినిమాతో తన స్థానాన్ని కోల్పోయాడు. అతడు స్కూల్ లో మాటలు కరువయ్యాయని అంటున్నారు. స్టార్ హీరో సినిమా ఇలాగేనా తీసేదని విమర్శలు వస్తున్నాయి. గుంటూరు కారంలో త్రివిక్రమ్ తప్పిదం వల్లే ఫెయిల్యూర్ మూటగట్టుకున్నారు. ఇలా తన తప్పులకు తానే బాధ్యుడిగా నిలవడం గమనార్హం.