Star Director
Star director : ఎస్ జె సూర్య అనగానే అందరికీ టక్కున ఖుషీ సినిమా డైరెక్టర్ అని గుర్తుకు వస్తుంది. తెలుగు ప్రేక్షకులకు పవన్ కల్యాణ్ ను లవర్ బాయ్ గా చూపించిన మూవీ అది. దీనికి దర్శకత్వం వహించిన ఎస్ జె సూర్య ను కూడా తెలుగు ఫిల్మ్ ఇండస్ట్రీలో ఎప్పటికీ మరిచిపోరు. కాగా ఎస్ జె సూర్య డైెరెక్టర్ గా ఎంత పాపులర్ అయ్యారో అంతకంటే ఎక్కువగా నటుడిగా పేరు సంపాదిస్తున్నారు.
విలన్ క్యారెక్టర్ పడితే మాత్రం తన లోని పర్ఫామెన్స్ మొత్తం బయటకు తీస్తున్నాడు. ఇలా సినిమాలో హీరో కంటే ఎక్కువగా ఎస్ జె సూర్యనే హైలైట్ అవుతున్నాడు. వాలి, ఖుషీ లాంటి రొమాంటిక్ మూవీలతో ఆడియన్స్ మనసు కొల్లగొట్టిన ఆయన ఆ తర్వాత అనుకోకుండా నటన వైపు మళ్లాడు. ఒక్కో క్యారెక్టర్ లో జీవించేశాడు. తమిళంలో నాని సినిమాలో ఆయన చేసిన పాత్రతో తనలోని నటుడిని ఇండస్ట్రీకి పరిచయం చేశాడు. ఈ సినిమా తమిళంలో సూపర్ డూపర్ హిట్ అయింది.
తెలుగులో ‘స్ఫైడర్ ’ మూవీలో చేసిన సైకో క్యారెక్టర్ భయపెట్టింది. విలన్ అంటే ఇలా ఉండాలి అనేలా పాత్రలో లీనమైపోయాడు. తమిళంలో నెంజం, మరప్పదిల్లై, మానాడు లాంటి సినిమాల్లో కూడా సైకో క్యారెక్టర్లలో చేసిన యాక్టింగ్ న భూతో న భవిష్యత్తు.. గతంలో సైకో క్యారెక్టర్ విలనిజం ఉన్న క్యారెక్టర్లు చేయాలంటే ప్రకాశ్ రాజ్ మాత్రమే చేయగలడని అనుకునే వారు. కానీ ప్రస్తుతం ఆ లోటును ఈ స్టార్ డైరెక్టర్ తీర్చేస్తున్నారు.
తెలుగులో రీసెంట్ గా విడుదలైన సరిపోదా శనివారం చిత్రంలో ఎస్ జె సూర్య క్యారెక్టర్ ప్రేక్షకులను కళ్లు తిప్పనీయకుండా సీటు నుంచి కదలకుండా చూసేలా చేసింది. ఆయన స్క్రీన్ పై వచ్చిన సమయంలో ఏం జరుగుతుందో అనే ఆతృత పెంచేలా ఒదిగిపోయాడు.