Settler Votes to BRS, KTR
Settler Votes to BRS : చంద్రబాబు నాయుడు అరెస్ట్ నేపథ్యంలో హైదరాబాద్ లో ఐటీ ఉద్యోగులు, ఆందోళన కారులపై కేటీఆర్ ఘాటుగా స్పందించారు. దీంతో బీఆర్ఎస్ కఠిన వైఖరితో ఎదురుదెబ్బ తగిలినట్లైంది. అనేక సర్వేలు ఆంధ్రా సెటిలర్ల ఓట్లు బీఆర్ఎస్ ఖాతా నుంచి శాశ్వతంగా దూరమవుతాయని రావడంతో తెలంగాణ మంత్రి బీఆర్ఎస్ అధ్యక్షుడు కేటీఆర్ కు ఆందోళన మొదలైంది. దీంతో వెంటగనే డ్యామేజీ కంట్రోల్‌ దిశగా కేటీఆర్ వేగంగా అడుగులు వేశారు. ఓపెన్ హార్ట్ విత్ RKలో కనిపించాడు.
‘ఆ రోజు నేనేమి తప్పు అనలేదు. చంద్రబాబు అరెస్టు ఆంధ్రప్రదేశ్‌ రాజకీయాలకు సంబంధించిందని నేను చెప్పాను. ఆ రాజకీయ వైరం ఇక్కడ పెడితే మంచిది కాదు. దీని వల్ల ఇక్కడి ప్రజలకు అసౌకర్యం కలుగుతుందని అన్నాను. నేను దానిని వ్యక్తీకరించిన విధానం ఆదర్శంగా ఉండకపోవచ్చు. ఆ రోజున నేను మరింత సున్నితంగా మాట్లాడాలి ఉండాలేమో.’ అని చెప్పారు.
నారా లోకేష్‌తో తనకున్న బంధం గురించి కూడా కేటీఆర్ మాట్లాడారు. నిజామాబాద్‌లోని ఆర్మూర్‌లో తన ప్రచార వ్యాన్‌పై నుంచి కింద పడిపోవడంతో నారా లోకేష్ నుంచి తనకు తొలి సందేశం అందిందని చెప్పారు. ‘‘లోకేష్, నేనూ రెగ్యులర్‌గా మాట్లాడుకుంటూ స్నేహపూర్వకంగా మెలగుతున్నాం. అలాగే, గత 6 నెలలుగా చంద్రబాబు నాయుడు తెలంగాణ ప్రభుత్వాన్ని కనీసం 10 సార్లు ప్రశంసించారు.
చంద్రబాబు ఆరోగ్యం గురించి స్పందిస్తూ.. ప్రస్తుతం ఆరోగ్యంగా ఉన్నారని అన్నారు. బాబు మరో దశాబ్దం పాటు రాజకీయాలను నడిపించగలరని ఆయన కోరారు. ప్రధాని నరేంద్ర మోదీ కంటే కేసీఆర్, చంద్రబాబు చిన్నవారని ఆయన అన్నారు. అలాగే, ఏపీలోలా కాకుండా తెలంగాణ, కేసీఆర్‌లు ప్రతీకార రాజకీయాలను ఎంచుకోవడానికి ఇష్టపడడం లేదని కేటీఆర్ అన్నారు. చంద్రబాబు అరెస్టు, రామోజీరావుపై కేసులను ప్రస్తావిస్తూ.. ఓటుకు నోటు కుంభకోణాన్ని విపక్షాలపై బీఆర్ఎస్ వినియోగించుకోలేదని, ప్రతీకార రాజకీయాలకు పాల్పడలేదని కేటీఆర్ అన్నారు. హద్దులు దాటడం సరికాదన్నారు.
మొత్తానికి కేటీఆర్ ఓపెన్ హార్ట్ విత్ ఆర్కే రాజకీయ వర్గాల్లో హాట్ టాపిక్‌గా మారింది. స్పష్టంగా, బీఆర్ఎస్ నుంచి దూరంగా వెళ్లిన ఓట్లను కొంతలో కొంత ఆకర్షించడానికి కేటీఆర్ యత్నించినట్లు తెలుస్తోంది. అప్పుడు అలా అని.. ఇప్పుడు ఇలా మాట్లాడిన విధానం ఇటు పార్టీకి అటు కేటీఆర్ కు కలిసి వస్తుందా? అన్నది ఇప్పుడు మిలియన్ డాలర్ల ప్రశ్న.