Hari Hara Veeramallu Trailer : హరి హర వీరమల్లు ట్రైలర్.. రిలీజ్ పై బిగ్ అప్ డేట్

Hari Hara Veeramallu Trailer

Hari Hara Veeramallu Trailer Update : పవర్ స్టార్ పవన్ కళ్యాణ్ హీరోగా క్రిష్ జాగర్లమూడి దర్శకత్వంలో తెరకెక్కుతున్న సినిమా ‘హరి హర వీరమల్లు’. ఈ సినిమా ఈ మధ్య వరుస వాయిదాలతో సతమతమవుతోంది. వాస్తవానికి ఎప్పుడో లాంచ్ అయింది.. కానీ వాయిదా పడుతూ వెళ్తోంది. క్రిష్ మరో సినిమాకు షిఫ్ట్ అయ్యాడని పుకార్లు షికార్లు చేస్తున్నాయి. అయితే, తాజాగా ఈ సినిమా నిర్మాత ఓ కొత్త అప్ డేట్ తో ముందుకొచ్చాడు.

అనిశ్చితిని తొలగించే ప్రయత్నంలో చిత్ర బృందం క్లారిటీ ఇచ్చే ప్రయత్నం చేసింది. షూటింగ్స్ ఆగిపోయినా ప్రయత్నాలు కొనసాగుతున్నాయని చెప్పారు. చిత్రీకరణకు విరామం ఉన్నప్పటికీ, ఇరాన్, కెనడా, బెంగళూరు, చెన్నై మరియు హైదరాబాద్ సహా వివిధ ప్రదేశాలలో షూటింగ్ జరుగుతుందని, విజువల్ ఎఫెక్ట్స్ పనులు జరుగుతున్నాయని చిత్ర బృందం ఒక ప్రకటనలో వెల్లడించింది.

Hari Hara Veeramallu Trailer Update

‘మా విప్లవ వీరుడు సినిమా హరి హర వీరమల్లు అప్ డేట్ కోసం ఆసక్తిగా ఎదురుచూస్తున్న పవర్ స్టార్ అభిమానులకు, సినీ లవర్స్ కు ధన్యవాదాలు. ప్రస్తుతం ఇరాన్, కెనడా, బెంగళూరు, చెన్నై, హైదరాబాద్ వంటి ప్రాంతాల్లో మా చిత్రం హై ఎండ్ వీఎఫ్ఎక్స్ వర్క్ జరుగుతోంది. మా చిత్రం మీ ఊహల హద్దులను దాటి అపూర్వమైన స్థాయిలో మీ ముందుకు రాబోతోంది. కాబట్టి, దయచేసి వేచి ఉండండి మరియు థ్రిల్ ని ఆశించండి’ అని నిర్మాతలు వారి ఎక్స్ ఖాతాలో వెల్లడించారు, ‘త్వరలో, మేము మిమ్మల్ని మీ సీటు అంచున ఉంచే ప్రత్యేక ప్రోమోను అందిస్తాం’ అని తెలిపారు.

మెగా సూర్య ప్రొడక్షన్స్ బ్యానర్‌పై ఏఎం రత్నం ఈ చిత్రాన్ని నిర్మిస్తున్నారు. ఎంఎం కీరవాణి ఈ చిత్రానికి సంగీత దర్శకత్వం వహిస్తున్నారు.