Hari Hara Veera Mallu Teaser Review
Hari Hara Veera Mallu Teaser Review : ఎప్పుడెప్పుడా అని ఎదురు చూస్తున్న హరిహర వీరమల్లు మూవీ నుంచి టీజర్ తో రావడంతో పవన్ అభిమానులు ఫుల్ ఖుషీ అవుతున్నారు. పవర్ స్టార్ ప్రధాన పాత్రలో క్రియేటివ్ డైరెక్టర్ క్రిష్ తెరకెక్కిస్తున్న ఈ సినిమా కోసం చాలాకాలంగా ఆయన అభిమానులు ఈగర్ గా వెయిట్ చేస్తున్నారు. గతంలో ఎప్పుడో ఫస్ట్ లుక్ పోస్టర్ రివీల్ చేసిన మేకర్స్ ఇటీవల శ్రీరామ నవమికి పోస్టర్ రిలీజ్ చేసి, ఈ సినిమాపై అభిమానుల్లో హోప్స్ పెంచేశారు. రెండు రోజుల క్రితం మరో పోస్టర్ రిలీజ్ చేసి టీజర్ రాబోతుందంటూ ఫ్యాన్స్ లో క్యురియాసిటీ పెంచేశారు. ఇన్నాళ్లకు ఈ సినిమా టీజర్ రిలీజ్ చేసి పవన్ అభిమానులకు సర్ ప్రైజ్ ఇచ్చారు మేకర్స్.
హీరో ఎలివేషన్ తో టీజర్..
పీరియాడిక్ బ్యాక్ డ్రాప్ తో తెరకెక్కిన ఈ సినిమాలో పవన్ గజదొంగ పాత్రలను పోషిస్తున్నారు. ‘మన ప్రాణాలకు విలువే లేదా నాన్న.. మనల్ని ఇంత హింసించి మన కష్టాన్ని దోచుకుంటున్నారు.. అంటూ ఓ చిన్నారి తన తండ్రితో అంటుండగా.. ఆ తండ్రి ఇలా అంటాడు.. ప్రతి వాడిని వాడి పై వాడిని దోచుకుంటాడు. మనల్ని దొర దొచుకుంటుంటే.. దొరను గొల్కోండ నవాబు దోచుకుంటాడు. ఆ నవాబును ఢిల్లీలో ఉంటే మొఘల్ చక్రవర్తి దోచుకుంటాడు.. మనల్ని దోచుకున్న దొంగలందరినీ దోచుకోవడానికి ఆ పైనున్న భగవంతుడు ఒకడిని కచ్చితంగా పంపిస్తాడు. వాడొచ్చి ఈ దొంగ దొరలందరి లెక్కలు సరి చేస్తాడు. అని అంటుండగా పవన్ కల్యాణ్ కనిపించడం, ఫుల్ హెవీ యాక్షన్ పార్ట్ ఎక్సలెంట్ గా ఉంది, హైవొల్టేజ్ యాక్షన్ సీన్స్ ఒళ్లు గగుర్పొడిపిస్తాయి. ఇక ఈ సినిమాలో నిధి అగర్వాల్ హీరోయిన్ గా నటిస్తుంది.
ఏఎం రత్నం సమర్పణలో మెగా సూర్య ప్రొడక్షన్ పతాకంపై ఏ.దయాకర్ రావు ప్రొడ్యూస్ చేస్తున్నారు. వాస్తవానికి ఎప్పుడో ఈ సినిమా షూటింగ్ ప్రారంభమైంది. ఏడాదిన్నర క్రితం పవన్ కల్యాన్ బర్త్ డే ఫస్ట్ గ్లింప్స్ రిలీజ్ చేశారు. ఆ తర్వాత ఈ సినిమా గురించి ఎలాంటి అప్ డేట్ లేదు. ఒక దశలో ఈ సినిమా ఉంటుందా లేదా అనే సందేహాలు మొదలయ్యాయి. ఈ సినిమా మీద వచ్చిన రూమర్స్ పై మేకర్స్ సైతం రెస్పాండ్ కాకపోవడంతో సినిమా మూలన పడిందని అందరూ భావించారు. కానీ టీజర్ రిలీజ్ కావడంతో రూమర్స్ కు చెక్ పడింది.
ప్రస్తుతం పవన్ నాలుగైదు చిత్రాల్లో ఒకేసారి నటిస్తున్నారు. హరీష్ శంకర్ డైరెక్షన్ లో ఉస్తాద్ భగత్ సింగ్ చేస్తున్నార. ఇందులో శ్రీలీల హీరోయిన్. ఇప్పటికే రిలీజ్ అయిన టీజర్ కు అదిరిపోయే రెస్పాన్స్ అదిరిపోయింది. సాహో ఫేమ్ డైరెక్టర్ సుజిత్ డైరెక్షన్ లో ఓజీ సినిమా చేస్తున్నారు. ఈ సినిమాలన్నీ కొన్ని రోజులుగా షూటింగ్ జరుపుకుంటున్నాయి. డైరెక్టర్ క్రిష్ రూపొందిస్తున్న హరిహర వీరమల్లు సినిమా వీఎఫ్ఎక్స్ పనులు చురుగ్గా సాగుతున్నట్ల సమాచారం.
