Happy Birthday King
Happy Birthday King : సినీ నటుడు.. కింగ్ నాగార్జున 65 పుట్టిన రోజు వేడుకలు నేడు(గురువారం ఆగస్టు 29) నిర్వహించుకుంటున్నాడు. ఈ సదంర్భంగా ఆయనకు ప్రపంచవ్యాప్తంగా ఉన్న అభిమానులు, స్నేహితులు, ఇతర శ్రేయోభిలాషులు శుభాకాంక్షలు చెబుతున్నారు. 60వ పదుల్లో కూడా ఆయన ఇప్పటికీ నిత్య యువకుడిలా నే కనిపిస్తున్నాడని పలువురు ఈ సందర్భంగా పోస్టులు పెట్టారు. అందుకే కింగ్ నాగార్జున ను టాలీవుడ్ మన్మథుడు అని పిలుస్తుంటారు.
లెజండరీ యాక్టర్ అక్కినేని నాగేశ్వర్ రావు వారసుడి సినీ ఇండస్ర్టీలోకి అడుగు పెట్టినా తనకంటూ ఒక ప్రత్యేకతను చాటుకున్నాడు. భారీ హిట్లను తన ఖాతాలో వేసుకున్నాడు. అగ్రహీరోల్లో ఒకడిగా నిలిచాడు. 1986లో యాక్షన్ ఫిలిం విక్రమ్ ద్వారా సినిమాల్లోకి అడుగుపెట్టాడు నాగార్జున. ఇక అక్కడి నుంచి అనేక చిత్రాల్లో నటించి గొప్ప హిట్లను అందుకున్నాడు. అందులో ముఖ్యంగా గీతాంజలి, శివ, హలోబ్రదర్, అన్నమయ్య, నిన్నే పెండ్లాడుతా, మాస్, శ్రీరామదాసు, మనం లాంటి మంచి మంచి హిట్ చిత్రాలు ఉన్నాయి.
అందరిలాగా కాకుండా తన కు నచ్చిన చిత్రాలను మాత్రమే నాగార్జున ఎంపిక చేసుకునేవాడు. సెకండ్ జనరేషన్ లో ఆయన ఎంతో మంది డైరెక్టర్లతో నేతృత్వంలో విభిన్న చిత్రాల్లో నటించాడు. ఈ ఏడాది నా సామి రంగ సినిమాతో అభిమానులను, ప్రేక్షకులను అలరించాడు. ప్రస్తుతం శేఖర్ కమ్ముల దర్శకత్వంలో వస్తున్న కుబేర చిత్రంలో నటిస్తున్నాడు. ధనుష్, రష్మిక ఈ సినిమాలో కీ రోల్ పోషిస్తున్నారు. కాగా, బుధవారం రాత్రి నాగార్జున తన సతీమణి అమలతో కలిసి హైదరాబాద్ అంతర్జాతీయ విమానాశ్రయం వద్ద కనిపించారు. గడ్డం లుక్ లో డాషింగ్ గా ఉన్నాడని నెటిజన్లు ఫోటోలు షేర్ చేస్తున్నారు. రానున్న రోజుల్లో మరిన్ని విజయాలు సాధించాలని ఆకాంక్షిస్తూ హ్యాపీ బర్త్ డే నాగార్జున.