Teja Sajja : ఒక్క సినిమా కోసం 75 సినిమాలను వదులుకున్న ‘హనుమాన్’ హీరో తేజ సజ్జ!

‘Hanuman’ hero Teja Sajja

Teja Sajja : బాలనటుడిగా ఎన్నో సూపర్ హిట్ సినిమాల్లో నటించి స్టార్ కిడ్ గా ఎదిగిన నటుడు తేజ సజ్జ. పెద్దయ్యాక ఆయన హీరో గా వస్తున్నాడంటే ఇతన్ని ఎవ్వరూ పట్టించుకోలేదు. మొదటి రెండు సినిమాలు ఎప్పుడు వచ్చాయో, ఎప్పుడు వెళ్ళాయో కూడా జనాలకు తెలియదు. కానీ ఆ తర్వాత ప్రశాంత్ వర్మ తో చేసిన ‘జాంబీ రెడ్డి’ చిత్రం మాత్రం పర్వాలేదు అనే రేంజ్ లో ఆడింది. కమర్షియల్ గా కూడా ఈ సినిమా సక్సెస్ అయ్యింది.

తనకి హిట్ ఇచ్చిన ప్రశాంత్ వర్మనే నమ్మి ‘హనుమాన్’ చిత్రం చేసాడు తేజ సజ్జ. ఈ సినిమా ఏ రేంజ్ బ్లాక్ బస్టర్ హిట్ అయ్యిందో ప్రత్యేకించి చెప్పనక్కర్లేదు. ఎన్నో ఏళ్ళ నుండి ఇండస్ట్రీ లో స్టార్ హీరోలుగా చలామణి అవుతున్న వాళ్ళందరి రికార్డ్స్ ని బద్దలు కొట్టి సుమారుగా 150 కోట్ల రూపాయలకు పైగా షేర్ వసూళ్లను సాధించింది. ఇది సాధారణమైన విషయం కాదు.

ఇప్పటికీ ఈ సినిమా థియేటర్స్ లో విజయవంతంగా నడుస్తూనే ఉంది. కలెక్షన్స్ పరంగా కొత్త సినిమా రిలీజ్లను కూడా డామినేట్ చేస్తుంది. అయితే రీసెంట్ గా జరిగిన ఒక ఇంటర్వ్యూ లో తేజ సజ్జ ఈ సినిమాకి సంబంధించిన కొన్ని ఆసక్తికరమైన విషయాలను పంచుకున్నాడు. ఈ సినిమా షూటింగ్ జరుగుతున్న సమయం లో తనకి ఎంతో మంది కథలు చెప్పేందుకు వచ్చేవారట. సుమారుగా 75 మంది దర్శకులు వచ్చి తేజ సజ్జ కి కథలు వినిపించేందుకు క్యూలు కట్టారట. కానీ తేజ ‘హనుమాన్’ చిత్రం పూర్తి అయ్యేవరకు ఏ సినిమా ఒప్పుకోను అని తెగేసి చెప్పాడట. అంటే ఈ సినిమా కోసం తన కెరీర్ ని సైతం రిస్క్ లో పెట్టాడన్నమాట. అలా కెరీర్ ని రిస్క్ లో పెట్టినందుకు తేజ సజ్జ కి రావాల్సిన ఫలితం దక్కింది.

ఈ సినిమా తర్వాత ఆయన వెనక్కి తిరిగి చూసుకోవాల్సిన అవసరం లేదు. కానీ సరైన స్క్రిప్ట్ సెలక్షన్ ఎంచుకోకపోతే కెరీర్ లో మరో మెట్టు ఎక్కడం కష్టమే అవుతుంది. ఇప్పుడు వచ్చిన సక్సెస్ ఇలాంటి కొత్త హీరోలకు కేవలం ఈ ఒక్క సినిమాకే పరిమితం. ఇదే రేంజ్ మైంటైన్ చెయ్యాలంటే కచ్చితంగా సరైన స్క్రిప్ట్స్ ఎంచుకోవాలి. లేకపోతే మనుగడ సాధించడం కష్టమని అంటున్నారు విశ్లేషకులు.