Hanuman First Review : ‘హనుమాన్’ మూవీ మొట్టమొదటి రివ్యూ..సెకండ్ హాఫ్ ఈ చిత్రానికి మైనస్ కానుందా?

ఇది ఇలా ఉండగా ఈ సినిమాకి సంబంధించిన ప్రీ రిలీజ్ ఈవెంట్ నేడు హైదరాబాద్ లో జరగబోతుంది. ఈ ఈవెంట్ కి మెగాస్టార్ చిరంజీవి ముఖ్య అతిథిగా హాజరు కాబోతున్నాడు. అయితే ఈ ఈవెంట్ కి ముందే చిరంజీవి మరియు కొంతమంది సినీ ప్రముఖులకు ప్రసాద్ ల్యాబ్స్ లో స్పెషల్ షో వేసి చూపించారట. వాళ్ళ నుండి ఈ చిత్రానికి మంచి టాక్ వచ్చింది. ఇది వరకు మన టాలీవుడ్ లో సూపర్ హీరో జానర్ మీద సినిమాలు రాలేదు. హాలీవుడ్ లో మార్వల్ తరహా కథలు మన టాలీవుడ్ లో ఎందుకు ప్రయత్నం చెయ్యరు అనే అసంతృప్తి మూవీ లవర్స్ లో ఉండేది. సరిగ్గా ఆ గ్యాప్ ని ఉపయోగించుకొనే ఈ చిత్రాన్ని తెరకెక్కించాడు డైరెక్టర్ ప్రశాంత్ వర్మ.

ఇందులో ఆయన భగవంతుడు హనుమాన్ లోని శక్తులు ఒక కుర్రాడిలో వస్తే ఎలా ఉంటుంది, అతను తన ఊరుని ఆవహించిన దుష్ట శక్తుల అరాచకాలను ఎలా అరికట్టాడు అనేది స్టోరీ అట. ఫస్ట్ హాఫ్ మొత్తం అద్భుతంగా వచ్చింది కానీ, సెకండ్ హాఫ్ కాస్త రొటీన్ గా అనిపించింది అనే టాక్ ఉంది. అంటే ఫస్ట్ హాఫ్ లో ఉన్నంత స్క్రీన్ ప్లే మరియు టేకింగ్ సెకండ్ హాఫ్ లో మిస్ అయ్యింది అని చూసిన కొంతమందికి అనిపించిందట. మరి ఆడియన్స్ కి కూడా అదే విధంగా అనిపించిందా లేదా అనేది చూడాలి.