Hanuman Collections : 250 కోట్ల మార్కుని దాటేసిన ‘హనుమాన్’..15 వ రోజు #RRR అవుట్!

Hanuman Collections

Hanuman Collections : ఈ ఏడాది సంక్రాంతి కానుకగా విడుదలైన ‘హనుమాన్’ చిత్రం ఊహకందని అద్భుతాలు సృష్టిస్తూ ముందుకు దూసుకుపోతుంది. సినిమా విడుదల సమయం లో ఈ సినిమాకి ఎదురైనాన్ని కష్టాలు ఏ సినిమాకి ఎదురు అవ్వలేదు. విడుదల చేస్తే థియేటర్స్ రానివ్వకుండా చేస్తాం వంటి బెదిరింపులకు గురి అయ్యింది.  నిజంగానే ఈ చిత్రానికి సంక్రాంతి సెలవుల్లో థియేటర్స్ రానివ్వకుండా చేసారు.

ఉన్న థియేటర్స్ లోనే విడుదలైన ఈ చిత్రం భారీ అంచనాలతో విడుదలైన మహేష్ బాబు ‘గుంటూరు కారం’ చిత్రం వసూళ్లను భారీ మార్జిన్ తో అధిగమించి శబాష్ అనిపించుకుంది. కంటెంట్ ఉన్న సినిమాలను నెత్తిన పెట్టుకొని చూసుకుంటాం అని ఆడియన్స్ ఈ చిత్రం ద్వారా చెప్పకనే చెప్పారు. చిన్న సినిమాగా విడుదలై ఎన్నో మైలు రాళ్లను దాటుకుంటూ వచ్చిన ఈ చిత్రం ఇప్పుడు 250 కోట్ల రూపాయిల గ్రాస్ వసూళ్లను రాబట్టి చరిత్ర తిరగరాసింది. చిన్న సినిమాకి కలలో కూడా ఇలాంటి గ్రాస్ వసూళ్లను ట్రేడ్ పండితులు ఊహించలేదు.

మరో విశేషం ఏమిటంటే ఇప్పటి వరకు రాజమౌళి, ప్రభాస్ మరియు అల్లు అర్జున్ తప్ప ఏ స్టార్ హీరో కూడా 250 కోట్ల రూపాయిల మార్కుని అందుకోలేదు. అలాంటిది ఈ సినిమా స్టార్ హీరోలకు కూడా సాధ్యం అవ్వని రికార్డుని నెలకొల్పి సంచలనం సృష్టించింది. కేవలం పాతిక కోట్ల రూపాయిల ప్రీ రిలీజ్ బిజినెస్ ని జరుపుకున్న ఈ చిత్రానికి ఏకంగా వంద కోట్ల రూపాయిల లాభాలు వచ్చాయి. నిన్న రిపబ్లిక్ డే సందర్భంగా ఈ చిత్రానికి మరోసారి చారితాత్మక రికార్డు నెలకొంది. 15 వ రోజు #RRR కంటే ఎక్కువగా ఆరు కోట్ల రూపాయలకు పైగా షేర్ వసూళ్లను కేవలం తెలుగు రాష్ట్రాల నుండి రాబట్టింది ఈ చిత్రం.

అందులో ముఖ్యంగా నైజాం ప్రాంతం లో రెండు కోట్ల రూపాయలకు పైగా షేర్ వసూళ్లు ఈ చిత్రానికి వచ్చాయి. ఈ రేంజ్ వసూళ్లు రాజమౌళి సినిమాలకు కూడా ఇప్పటి వరకు రాలేదు. ది పవర్ ఆఫ్ కంటెంట్ అంటే బహుశా ఇదేనేమో అని ట్రేడ్ పండితులు పొగడ్తలతో ముంచి ఎత్తుతున్నారు. ఈ చిత్రానికే ఈ రేంజ్ వసూళ్లు వస్తే, ఇక ఈ సినిమాకి సీక్వెల్ గా తెరకెక్కబోతున్న ‘జై హనుమాన్’ కి ఏ రేంజ్ వసూళ్లు వస్తాయో ఊహకు కూడా అందని విధంగా ఉంటుందని ట్రేడ్ పండితులు ఇప్పటి నుండే లెక్కలు వేసుకుంటున్నారు.