‘Hanuman’ 20 days collections
Hanuman Collections : జనవరి 12 వ తారీఖున సంక్రాంతి సందర్భంగా ప్రపంచవ్యాప్తంగా గ్రాండ్ గా విడుదలైన ‘హనుమాన్’ చిత్రం బాక్స్ ఆఫీస్ వద్ద ఏ రేంజ్ బ్లాక్ బస్టర్ గా నిల్చిందో మన అందరికీ తెలిసిందే. ఈ సినిమా బ్లాక్ బస్టర్ అవ్వడమే కాదు, కొంతమంది సినీ ప్రముఖుల అహంకారాన్ని అణిచివేసింది కూడా. చిన్న సినిమా మీకు థియేటర్స్ ఇవ్వడమే దండగా మేకర్స్ ఎన్నో అవమానాలను ఎదురుకున్నారు. ఒక సినిమా మీద ఇంత పగ చూపించడం తెలుగు చలన చిత్ర పరిశ్రమలో ఎన్నడూ జరగలేదు.
అలాంటి అవమానాలను ఎగురుకుంటూ విడుదలైన ఈ సినిమా బాక్స్ ఆఫీస్ వద్ద సృష్టించిన సెన్సేషన్ కి ఈ సినిమాని తొక్కాలని చూసిన ప్రతీ ఒక్కరు నష్టపోయేలా చేసింది. ఒక చిన్న సినిమా స్టార్ హీరోలకు కూడా సాధ్యం కానీ విధంగా 250 కోట్ల రూపాయిల గ్రాస్ వసూళ్లు సాదిస్తుందని ఎప్పుడైనా అనుకున్నామా?, కానీ ఈ సినిమా విషయం లో అది జరిగింది.
నిన్న గాక మొన్న విడుదలైనట్టు అనిపిస్తున్న ఈ సినిమా అప్పుడే 20 రోజులు పూర్తి చేసుకుంది. ఈ 20 రోజులకు గాను ఈ సినిమా ఎంత వసూళ్లను రాబట్టిందో ఒకసారి చూద్దాం. ఈ చిత్రం ప్రీ రిలీజ్ బిజినెస్ కేవలం పాతిక కోట్ల రూపాయలకు మాత్రమే జరిగింది. ఇప్పటి వరకు బయ్యర్స్ కి 130 కోట్ల రూపాయలకు పైగా లాభాలను రాబట్టింది. అంతే కాకుండా ఈ సినిమా రాజమౌళి #RRR చిత్రానికి కూడా సాధ్యం కానీ రికార్డుని ఒకటి నెలకొల్పింది. మొదటి రోజు నుండి 20 వ రోజు వరకు నాన్ స్టాప్ గా కోటి రూపాయలకు పైగా షేర్ వసూళ్లను రాబట్టిన ఏకైక సినిమాగా ఈ సినిమా చరిత్ర సృష్టించింది.
కరోనా మహమ్మారి విజృంభణ తర్వాత విడుదలైన సినిమాలలో ఇప్పటి వరకు వరుసగా 17 రోజుల వరకు కోటి రూపాయిల షేర్ వసూళ్లను రాబట్టిన సినిమాగా #RRR చిత్రం టాప్ స్థానం లో ఉండేది. ఇప్పుడు హనుమాన్ ఆ రికార్డుని బద్దలు కొట్టింది. అలాగే ప్రపంచవ్యాప్తంగా అన్నీ భాషలకు కలిపి ఈ సినిమా సుమారుగా 142 కోట్ల రూపాయిల షేర్ వసూళ్లను రాబట్టింది. వసూళ్లు ఇప్పట్లో తగ్గే అవకాశం కనిపించకపోవడం తో ఫుల్ రన్ లో 150 కోట్ల రూపాయిల మార్కుని దాటినా ఆశ్చర్యపోనక్కర్లేదని అంటున్నారు ట్రేడ్ పండితులు.