Guruji Trivikram
Guruji : గుంటూరు కారం తర్వాత త్రివిక్రమ్ శ్రీనివాస్ అల్లు అర్జున్ తో సినిమాకు సిద్ధమయ్యాడు. పుష్ప 2 తర్వాత అల్లు అర్జున్ డైరెక్టర్ అట్లీతో సినిమా చేయనున్నాడనే వార్తలు వినిపించినా.. చివరకు త్రివిక్రమ్ తోనే సినిమా చేయడానికి ఒప్పుకున్నట్లు సమాచారం.. దీంతో పుష్ప 2 కాగానే త్రివిక్రమ్ అల్లు అర్జున్ కాంబినేషన్ లో మూవీ పట్టాలకెక్కనుంది. త్రివిక్రమ్ శ్రీనివాస్ తో తీసిన మూడు సినిమాలు అల్లు అర్జున్ కు మంచి పేరు తీసుకువచ్చాయి. ముఖ్యంగా జులాయి సినిమా బ్లాక్ బ్లస్టర్ గా నిలిచింది.
తెలుగు సినిమాల్లో పీరియాడికల్ కథలు, ఫిక్షనల్ స్టోరీస్ మైథాలజీ బ్యాక్ డ్రాప్ కథలను డైరెక్టర్లు ఎంచుకుని వాటిలో పెద్ద హిరోలను పెట్టి సక్సెస్ చేస్తున్నారు. ఇలాంటి కాన్సెప్ట్ తోనే త్రివిక్రమ్ శ్రీనివాస్ రెడీ అయ్యాడని సమాచారం. అల్లు అర్జున్, త్రివిక్రమ్ శ్రీనివాస్ కాంబినేషన్ లో రాబోయేది సినిమా కథ కాదు.. జస్ట్ కాన్సెప్ట్ అని నిర్మాత బన్నీ వాసు ప్రకటించారు.
2025 సంక్రాంతికి త్రివిక్రమ్ అల్లు అర్జున్ సినిమా ముహూర్తం ప్రారంభించబోతున్నారనే టాక్ వినిపిస్తోంది. ఆ లోపు ప్రీ ప్రొడక్షన్ పనులు ప్లాన్ చేసుకుంటున్నారు. త్రివిక్రమ్ నుంచి రాబోతున్న మొదటి పాన్ ఇండియా సినిమా కావడంతో తెలుగు ప్రేక్షకులు తెగ అంచనాలు పెంచుకుంటున్నారు.
కల్కి తరహాలో గురూజీ కూడా మరో అద్భుత ప్రపంచాన్ని సృష్టించబోతున్నాడని ప్రచారం జరుగుతోంది. క్లారిటీ రావాలంటే మాత్రం మూవీ మేకర్స్ ప్రకటన ఇవ్వాల్సిందే. పుష్ప 2 తర్వాత మళ్లీ పాన్ ఇండియా సినిమా చేయనుండటంతో అల్లు అర్జున్ ఫ్యాన్స్ ఆనందంలో మునిగిపోతున్నారు. త్రివిక్రమ్ ఈ మూవీని రెండు భాగాలుగా తెరకెక్కించాలని ట్రై చేస్తున్నట్లు సమాచారం. ఈ సినిమా తర్వాత అల్లు అర్జున్ తో టాప్ డైరెక్టర్ సందీప్ రెడ్డి వంగా కూడా సినిమా చేయనున్నట్లు ప్రచారం జరుగుతోంది.