Guntur Kaaram making video
Guntur Kaaram : సూపర్ స్టార్ మహేష్ బాబు మరియు త్రివిక్రమ్ శ్రీనివాస్ కాంబినేషన్ లో తెరకెక్కిన ‘గుంటూరు కారం’ చిత్రం రేపు ప్రపంచవ్యాప్తంగా గ్రాండ్ స్కేల్ లో విడుదల అవ్వబోతున్న సంగతి అందరికీ తెలిసిందే. ఈ సందర్భంగా ఈ చిత్రం లోని ‘మామ ఎంతైనా’ అనే లిరికల్ వీడియో సాంగ్ ని నిన్న విడుదల చెయ్యగా, నేడు కాసేపటి క్రితమే ఈ చిత్రానికి సంబంధించిన మేకింగ్ వీడియో ని విడుదల చేసింది మూవీ టీం.
ఈ మేకింగ్ వీడియో లో మహేష్ సరదాగా యూనిట్ తో కలిసి గడిపిన క్షణాలను చూపించారు. ఇక చివరి షాట్ లో టీజర్, ట్రైలర్ లో కూడా చూపించని ఊర మాస్ షాట్ ని చూపించారు. నోట్లో నుండి బీడీ తీసి కాలుస్తూ మహేష్ ఉన్న ఆ షాట్ అదిరిపోయింది. ఇంత మాస్ గా మహేష్ ని ఇప్పటి వరకు ఎవ్వరూ చూపించలేదని చెప్పాలి. గతం లో ఆయన ఎన్నో మాస్ సినిమాలు చేసాడు కానీ, ఇది ఊర మాస్ సినిమా అని చెప్పొచ్చు.
ఇది ఇలా ఉండగా ఈ సినిమాకి సంబంధించిన అడ్వాన్స్ బుకింగ్స్ నిన్ననే గ్రాండ్ గా ప్రారంభం అయ్యింది. టికెట్ రేట్స్ భారీ గా పెంచేశారు, ఇది పాన్ ఇండియా సినిమా కాదు, కేవలం ఒక కమర్షియల్ సినిమా, దీనికి అంత టికెట్ రేట్ అవసరమా అని సోషల్ మీడియా అభిమానులు సైతం మేకర్స్ ని ట్యాగ్ చేసి అడిగారు. కానీ ఎంత టికెట్ రేట్ పెట్టినా కూడా మహేష్ బాబు స్టార్ పవర్ కారణంగా హాట్ కేక్స్ లాగ అమ్ముడుపోతున్నాయి. హైదరాబాద్ సిటీ లో ఇప్పటికే ఈ చిత్రం పది కోట్ల రూపాయలకు పైగా గ్రాస్ వసూళ్లను అడ్వాన్స్ బుకింగ్స్ ద్వారా రాబట్టింది. ఇంకో రెండు కోట్ల రూపాయిల గ్రాస్ వసూళ్లను రాబడితే సలార్ మూవీ రికార్డు అవుట్.
ఇక ఆంద్ర్ ప్రదేశ్ లో అయితే ప్రతీ ప్రాంతం లో టికెట్స్ కోసం కొట్లాడుకుంటున్నారు ఫ్యాన్స్. ఎప్పుడు అడ్వాన్స్ బుకింగ్స్ ప్రారంభించారో, ఎప్పుడు టికెట్స్ హాట్ కేక్స్ లాగ అమ్ముడుపోయాయో కూడా అర్థం కావడం లేదు ట్రేడ్ కి కూడా. మహేష్ – త్రివిక్రమ్ కాంబినేషన్ అంటే ఆ మాత్రం ఉంటాది మరి. ప్రస్తుతం ఉన్న ట్రెండ్ ప్రకారం చూస్తే ఈ సినిమాకి మొదటిరోజు కేవలం తెలుగు రాష్ట్రాల నుండే 42 కోట్ల రూపాయిల షేర్ వసూళ్లు వచ్చే అవకాశం ఉందట.
