#GunturKaaram:సూప‌ర్ స్టార్ మహేష్ బుగ్గ‌పై శ్రీ‌లీల ముద్దుల దాడి
#GunturKaaram:స్టార్ హీరో సూప‌ర్ స్టార్ మహేష్ బాబు న‌టిస్తున్న ఫ్యామిలీ యాక్ష‌న్ ఎంట‌ర్‌టైన‌ర్ `గుంటూరు కారం`. మాట‌ల మాంత్రికుడు త్రివిక్ర‌మ్ ద‌ర్శ‌క‌త్వంలో హారిక అండ్ హాసిని క్రియేష‌న్స్ బ్యాన‌ర్‌పై స్టార్ ప్రొడ్యూస‌ర్ ఎస్‌. .రాధాకృష్ణ ఈ మూవీని నిర్మిస్తున్నారు. టాలీవుడ్ క్రేజీ హీరోయిన్స్‌ శ్రీ‌లీల, మీనాక్షి చౌద‌రి ఇందులో మ‌హేష్‌కు జోడీగా న‌టిస్తున్నారు. వ‌చ్చే ఏడాది సంక్రాంతికి ఈ సినిమా ప్ర‌పంచ వ్యాప్తంగా భారీ స్థాయిలో ప్రేక్ష‌కుల ముందుకు రానున్న విష‌యం తెలిసిందే.
ఈ నేప‌థ్యంలో సినిమా షూటింగ్‌ని ఎక్క‌డా ఆప‌కుండా మెరుపు వేగంతో పూర్తి చేస్తున్నారు. అనేక కార‌ణాల వ‌ల్ల ఇప్ప‌టికే షూటింగ్ ఆల‌స్యం కావ‌డంతో ద‌ర్శ‌కుడు త్రివిక్ర‌మ్ షూటింగ్ విష‌యంలో దూకుడు పెంచారు. లొకేష‌న్స్ విష‌యంలోనూ రాజీప‌డ‌కుండా ఎక్క‌డా బాగుంది అనిపిస్తే అక్క‌డ షూటింగ్ చేస్తూ సినిమాని సర్వాంగ సుంద‌రంగా మ‌లుస్తున్నారు. ఈ సినిమాకు సంబంధించిన సెకండ్ సాంగ్ షూటింగ్‌ని ముందు కేర‌ళ‌లోని అంద‌మైన లొకేష‌న్‌ల‌లో పూర్తి చేయాల‌నుకున్నారు.
అయితే అందుకు అక్కడి వాతావర‌ణం అనుకూలించ‌క‌పోవ‌డంతో టైమ్ వేస్ట్ చేయ‌కుండా వెంట‌నే షెడ్యూల్‌ని రామోజీ ఫిల్మ్ సిటీకి మార్చేశారు. అక్క‌డే ప్ర‌త్యేకంగా ఓ భారీ సెట్‌ని ఏర్పాటు చేయించి అక్క‌డ షూట్ చేస్తున్నారు. తాజాగా శ‌నివారం `ఓ మై బేబీ` అంటూ మహేష్, శ్రీ‌లీల‌పై సాగే ఈ పాట‌కు సంబంధించిన అప్ డేట్ ఇచ్చారు. ఇందు కోసం ప్ర‌త్యేకంగా ఓ పోస్ట‌ర్‌ని విడుద‌ల చేశారు. పోస్ట‌ర్‌లో హీరో మహేష్ బాబు బుగ్గ‌పై హీరోయిన్ శ్రీ‌లీల ముద్దు పెడుతున్న స్టిల్ ఆక‌ట్టుకుంటోంది.
మహేష్ గొడుగు ప‌ట్టుకుని ఓ బెంచీపై కూర్చుని ఉండ‌గా హీరోయిన్ శ్రీ‌లీల ఎంతో ఇష్టంగా ఆయ‌న‌ని ముద్దు పెట్టుకుంటున్న తీరు ప్రేక్ష‌కుల్ని, మహేష్ అభిమానుల్ని విశేషంగా ఆక‌ట్టుకుంటోంది. ఈ స్టిల్ చూస్తుంటే మ‌హేష్‌కు శ్రీ‌లీల‌కు మ‌ధ్య రొమాంటిక్ సీన్స్ చాలానే ఉండ‌నున్నాయ‌ని తెలుస్తోంది. `ఖ‌లేజా` అనంత‌రం దాదాపు 12 ఏళ్ల విరామం త‌రువాత మహేష్ – త్రివిక్ర‌మ్ క‌లిసి చేస్తున్న సినిమా ఇది. దీంతో ఈ మూవీపై భారీ అంచనాలు నెల‌కొన్నాయి.
ఇటీవ‌ల విడుద‌ల చేసిన మహేష్ ఫ‌స్ట్ లుక్ పోస్ట‌ర్‌, ఫ‌స్ట్ లిరిక‌ల్ సాంగ్ సినీ ల‌వ‌ర్స్‌కు విప‌రీతంగా న‌చ్చేసి అంచ‌నాల్ని పెంచేశాయి. ఈ సినిమాకు త‌మ‌న్ సంగీతం అందిస్తున్నారు. ఇదిలా ఉంటే `ఓ మై బేబీ` అంటూ మహేష్, శ్రీ‌లీల‌పై సాగే సెకండ్ లిరిక‌ల్ సాంగ్‌ని డిసెంబ‌ర్ 13న విడుద‌ల చేస్తున్నారు. ముందుగా ప్రోమోని డిసెంబ‌ర్ 11న సాయంత్రం 4:05 గంట‌ల‌కు రిలీజ్ చేస్తున్నారు. ఈ విష‌యాన్ని శ‌నివారం విడుద‌ల చేసిన పోస్ట్‌లో చిత్ర బృందం స్ప‌ష్టం చేసింది. పోస్టరే ఇంత క్రేజీగా ఉంటే ఫుల్ సాంగ్ ఏ రేంజ్‌లో ఉంటుందోన‌ని ఫ్యాన్స్ ఎదురు చూస్తున్నారు.
A blistering coffee with a blissful melody ☕❤️
Swing to the most romantic number #OhMyBaby ??#GunturKaaram 2nd Single ~ Promo out on 11th Dec at 04:05pm, full song out on Dec 13th! ?
A @MusicThaman Musical ??
SUPER ? @urstrulyMahesh #Trivikram #Thaman @sreeleela14… pic.twitter.com/QzWWiosYR5
— Haarika & Hassine Creations (@haarikahassine) December 9, 2023