Guntur Karam USA Premiere : ‘గుంటూరు కారం’ USA ప్రీమియర్ షో టాక్ వచ్చేసింది..సినిమా ఎలా ఉందంతే!

Guntur Karam USA Premiere

Guntur Karam USA Premiere : సూపర్ స్టార్ మహేష్ బాబు హీరో గా నటించిన లేటెస్ట్ చిత్రం ‘గుంటూరు కారం’ మరి కొద్ది గంటల్లో ప్రేక్షకుల ముందుకు రాబోతుంది. మహేష్ – త్రివిక్రమ్ కాంబినేషన్ లో గతం లో వచ్చిన అతడు , ఖలేజా వంటి సినిమాలు కమర్షియల్ గా పెద్ద రేంజ్ కి వెళ్లకపోయినా కూడా, టీవీ ఆడియన్స్ ని అడిక్ట్ అయ్యేలా చేసింది. వీళ్ళ కాంబినేషన్ లో సినిమా అంటే అప్పటి నుండి మంచి క్రేజ్ ఏర్పడింది.

అలాంటి సమయం లోనే ‘గుంటూరు కారం’ ప్రాజెక్ట్ ని ప్రకటించారు. అభిమానులు ఈ సినిమా కోసం ఎంతలా అయితే ఎదురు చూస్తున్నారో, ప్రేక్షకులు కూడా అదే రేంజ్ లో ఎదురు చూస్తూ ఉన్నారు. ఇప్పటి వరకు విడుదలైన టీజర్, ట్రైలర్ మరియు పాటలు అన్నీ కూడా అదిరిపోయాయి. మహేష్ ని ఇలాంటి మాస్ యాంగిల్ లో చూసేసరికి ఫ్యాన్స్ ఎంతో థ్రిల్ కి గురి అవుతున్నారు. ఇకపోతే ఈ చిత్రానికి సంబంధించి ప్రీమియర్ షో ని అమెరికా లో ప్రత్యేకంగా కొంతమంది సీనియర్ మోస్ట్ ఫ్యాన్స్ కి వేసి చూపించింది మూవీ టీం.

వాళ్ళ నుండి అందుతున్న టాక్ ఏమిటంటే, ఈ చిత్రం లో మహేష్ బాబు కామెడీ టైమింగ్ మరియు మాస్ యాంగిల్ ని త్రివిక్రమ్ వాడినట్టు ఈమధ్య కాలం లో ఏ డైరెక్టర్ కూడా వాడలేదట. చిన్నతనం లోనే తల్లికి దూరమైనా కొడుకుగా మహేష్ ఈ చిత్రం లో కనిపించబోతున్నాడు అట. పెద్దయ్యాక మహేష్ బాబు తన కొడుకు అనే విషయం రమ్య కృష్ణ కి తెలియదు అట. కానీ మహేష్ కి అమ్మ అంటే ప్రాణం, ఆమెకి తెలియకుండా ఆమె చుట్టూ ఉన్న సమస్యలను పరిష్కరిస్తుంటాడట. ఇద్దరి మధ్య ఉన్న బాండింగ్ వేరే లెవెల్ లో డైరెక్టర్ చూపించాడని టాక్. ఇన్ని రోజులు మహేష్ బాబు కేవలం మెసేజి సినిమాలతోనే సరిపెడుతున్నాడు, ఇక మెసేజిలు ఆపు బాబోయ్ అంటూ ఫ్యాన్స్ ఆయన సినిమా విడుదలైనప్పుడల్లా సోషల్ మీడియా లో ట్యాగ్ చేసి అడుగుతుంటారు.

వాళ్ళ మాటల్ని మహేష్ బాబు పట్టించుకున్నట్టు ఉన్నాడు, అందుకే ఈ సినిమాలో మెసేజి గట్రా లాంటివి ఏమి లేకుండా, పూర్తి స్థాయి కమర్షియల్ మాస్ ఎంటర్టైనర్ గా త్రివిక్రమ్ ఈ చిత్రాన్ని తీర్చిదిద్దాడట. ఫ్యాన్స్ కి అయితే కనుల పండుగే, మామూలు ఆడియన్స్ కి కూడా ఈ చిత్రం నచ్చుతుంది అట.  మరి రేపు రెగ్యులర్ షోస్ నుండి కూడా ఇలాంటి టాక్ వస్తుందో లేదో చూడాలి. వస్తే మాత్రం ఈ చిత్రానికి బాక్స్ ఆఫీస్ వద్ద ఆకాశమే హద్దు అని చెప్పొచ్చు.