Guntur Kaaram OTT : ‘గుంటూరు కారం’ ఓటీటీ విడుదల తేదీ వచ్చేసింది..టాక్ ఎఫెక్ట్ కారణమా?

Guntur Kaaram OTT release date

Guntur Kaaram OTT : సూపర్ స్టార్ మహేష్ బాబు హీరో గా నటించిన లేటెస్ట్ చిత్రం ‘గుంటూరు కారం’ నేడు భారీ అంచనాల నడుమ విడుదలై అభిమానులను తీవ్రంగా నిరాశ పర్చింది. 2018 వ సంవత్సరం లో పవన్ కళ్యాణ్ హీరో గా నటించిన ‘అజ్ఞాతవాసి’ సినిమా అభిమానులను ఎంతలా నిరాశపర్చిందో మన అందరికి తెలుసు. ఆ రేంజ్ లో అభిమానులను నిరాశపర్చే సినిమా మళ్ళీ రాదనీ అనుకున్నారు చాలా మంది.

కానీ త్రివిక్రమ్ శ్రీనివాస్ ‘అలా పొరపాటున కూడా అనుకోకండి, నేను ఉన్నాను కదా మిమల్ని అజ్ఞాతం లో పంపించడానికి’ అనే విధంగా మహేష్ ఫ్యాన్స్ ని ‘గుంటూరు కారం’ చిత్రం తో అజ్ఞాతంలోకి పంపేశాడు. సోషల్ మీడియాలో నిన్న మొన్నటి వరకు ఎంతో ఉత్సాహం గా ‘గుంటూరు కారం’ మేనియా లో మునిగి తేలుతున్న మహేష్ ఫ్యాన్స్, ఈరోజు ఈ సినిమాని చూసి తమ సోషల్ మీడియా అకౌంట్స్ ని డీ – యాక్టీవేట్ చేసుకొని వెళ్లిపోయారు. పాపం వాళ్ళని చూసి ఎంతటి కష్టం వచ్చింది అని ఇతర హీరోల అభిమానులు జాలి పడుతున్నారు.

కానీ మహేష్ బాబు గత చిత్రాలకు కూడా ఇలాంటి టాక్స్ వచ్చాయి, కానీ మహేష్ తన స్టామినా తో ఆ సినిమాలకు ఫ్యామిలీ ఆడియన్స్ ని పుల్ చేసి కమర్షియల్ గా సూపర్ హిట్స్ ని చేసాడు. ఇప్పుడు ‘గుంటూరు కారం’ చిత్రం కూడా అలాగే చేస్తాడని కొంతమంది అభిమానులు బలమైన నమ్మకం తో ఉన్నారు. పైగా సంక్రాంతి పండుగ సెలవల్లో ఆడియన్స్ సినిమాని ఎలా ఉన్నా చూస్తారని, కాబట్టి మొదటి వారం లోనే ఈ చిత్రం వంద కోట్ల రూపాయిల షేర్ ని కొల్లగొడుతుందని అంటున్నారు. ఇదంతా పక్కన పెడితే ఈ సినిమా ఓటీటీ రైట్స్ ని నెట్ ఫ్లిక్స్ సంస్థ భారీ రేట్ కి కొనుగోలు చేసింది.

సినిమా విడుదలైన నెల రోజుల తర్వాతే స్ట్రీమింగ్ చెయ్యడానికి మేకర్స్ అనుమతి ఇచ్చారు. కానీ ఇప్పుడు సినిమాకి టాక్ రాలేదు కాబట్టి, నెల రోజుల లోపే ఈ సినిమా ఓటీటీ లో స్ట్రీమింగ్ అయ్యే అవకాశం ఉందని అంటున్నారు. అంటే జనవరి 26 వ తేదీన ఈ సినిమా నెట్ ఫ్లిక్స్ లో విడుదలయ్యే అవకాశాలు ఉన్నాయి. థియేటర్స్ లో నిరాశపర్చిన ఈ చిత్రం ఓటీటీ ఆడియన్స్ ని అయినా అలరిస్తుందో లేదో చూడాలి.