Guntur Kaaram : త్రివిక్రమ్ ని నమ్మి మోసపోయాను అంటూ ‘గుంటూరు కారం’ హీరోయిన్ షాకింగ్ కామెంట్స్!

Guntur Kaaram heroine shocking comments viral

Guntur Kaaram : సూపర్ స్టార్ మహేష్ బాబు హీరో గా నటించిన ‘గుంటూరు కారం’ చిత్రం జనవరి 12 వ తారీఖున విడుదలై మొదటి ఆట నుండే డిజాస్టర్ టాక్ ని సొంతం చేసుకొని అభిమానులను నిరాశపర్చిన సంగతి తెలిసిందే. మహేష్ – త్రివిక్రమ్ కాంబినేషన్లో సినిమా అంటే ప్రతీ ఒక్కరు ఆసక్తి గా ఎదురు చూడడం అనేది సర్వసాధారణం. ఎందుకంటే వీళ్ళ కాంబినేషన్ లో గతం లో వచ్చిన రెండు సినిమాలకు ఉన్న విలువ అలాంటిది.

రెండు చిత్రాలు కమర్షియల్ గా పెద్దగా సక్సెస్ సాధించలేకపోయాయి కానీ, టీవీ లో రిపీట్ టెలికాస్ట్ అప్పుడు మాత్రం అద్భుతమైన రెస్పాన్స్ ని దక్కించుకున్నాయి. అలాంటి కల్ట్ క్లాసిక్ సినిమాలు అందించిన కాంబినేషన్ నుండి ఇలాంటి సినిమా అసలు ఊహించలేదు అంటూ సోషల్ మీడియా త్రివిక్రమ్ పై తీవ్ర స్థాయిలో విరుచుకుపడ్డారు మహేష్ బాబు ఫ్యాన్స్. ఇదంతా పక్కన పెడితే బంగారం లాగ ఉన్న అమ్మాయి మీనాక్షి చౌదరి కి అసలు కథలో ఏమాత్రం ప్రాముఖ్యత లేని పాత్రని ఎలా ఇవ్వాలని అనిపించింది అంటూ తిట్టిపోశారు ఫ్యాన్స్.

పలు సినిమాల్లో హీరోయిన్ గా నటించిన మీనాక్షి చౌదరీ కెరీర్ లో హిట్స్ పెద్దగా లేవు కానీ, యూత్ లో మాత్రం మంచి క్రేజ్ ఉంది. టాలీవుడ్ నుండి రాబోతున్న అప్ కమింగ్ స్టార్ హీరోయిన్, ఇండస్ట్రీ ని ఎలేస్తుంది అంటూ ఆమెని పొగడ్తలతో ముంచి ఎత్తేవారు. అలాంటి హీరోయిన్ తో కాఫీలు, టీలు అందించే పాత్రని రాసాడు, త్రివిక్రమ్ కి బుర్ర ఉందా అని తిట్టారు. అయితే రీసెంట్ గా జరిగిన ఒక ఇంటర్వ్యూ లో మీనాక్షి చౌదరీ ని ఇదే విషయం గురించి అడగగా, దానికి ఆమె సమాధానం చెప్తూ ‘మహేష్ బాబు సినిమాలో చిన్న పాత్ర దొరికినా అదృష్టం గా భావిస్తాను. మహేష్ గారి సినిమా అనే కారణంతోనే ఈ చిత్రాన్ని స్క్రిప్ట్ కూడా పూర్తిగా వినకుండానే ఓకే చెప్పాను. త్రివిక్రమ్ గారు కూడా నాకోసం బలమైన క్యారక్టర్ రాసి ఉంటాడనే నమ్మకం ఉండేది. కానీ సినిమా చూసిన తర్వాత అర్థం అయ్యింది, నా పాత్రకి అసలు ప్రాధాన్యతే లేదని’ అంటూ ఆమె మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యింది. ప్రస్తుతం మూడు తెలుగు సినిమాల్లో, రెండు తమిళ సినిమాల్లో హీరోయిన్ గా నటిస్తుంది.