Guess Actress : ఈ ఫొటోలో ఉన్న బుజ్జాయి ఇప్పడు అందాల రాశి

Guess Actress

Guess Actress : సోషల్ మీడియా రాకముందు ప్రేక్షకులు తమ అభిమాన హీరోలు, హీరోయిన్ల గురించి అప్పటి సినీ వారపత్రికలు, మాసపత్రికలు, లేదా డెయిలీ పేపర్లలో వచ్చే న్యూస్ చూసి తెలుసునేవారు. కానీ సోషల్ మీడియా వచ్చాక సెలెబ్రెటీల నుంచి సినిమా తారల ప్రతి విషయం ఎప్పటికప్పుడు తెలుస్తూనే ఉన్నాయి. ఇక సినీ స్టార్లు కూడా అభిమానులతో నేరుగా ఇంటరాక్ట్ అవుతున్నారు.  ఇన్ స్టా, ఫేస్ బుక్, ఎక్స్(ట్విట్టర్)లో తమ సినిమాల గురించి, చేయబోయే ప్రాజెక్టుల గురించి ఎప్పటికప్పుడు అప్ డేట్స్ ఇస్తున్నారు. దీంతో సినీతారలు అభిమానులకు మరింత దగ్గరయ్యారని చెప్పవచ్చు.

ఇక తమ అభిమాన తారలు ఫిలిం ఇండస్ర్టీలోకి రాక ముందు ఏం చేసే వారో.. ఎలా ఉండేవారో సోషల్ మీడియా ద్వారా అభిమానులు తెలుసుకుంటున్నారు.  ఇప్పటి వరకు చాలా మంది నటీనటులకు సంబంధించిన అరుదైన ఫోటోలు,వీడియోలు సామాజిక మాధ్యమాల్లో వైరల్ అవుతున్నాయి. ఇదే కోవలో ఓ బూరె బుగ్గల చిన్నారి క్యూట్ ఫొటో ఒకటి నెటిజన్లను ఆకట్టుకుంటుంది. టాలీవుడ్ తో పాటు బాలీవుడ్ లోనూ రాణిస్తున్న స్టార్ హీరోయిన్ లలో ఈ చిన్నది కూడా ఒకరు. తన చిన్నతనంలో ఐఏఎస్ ఆఫీసర్ కావాలనుకుందట. ఓ చిన్న యాడ్ లో నటించడంతో సినిమా అవకాశాలు వెంటపడ్డాయి. వరుస ఆఫర్లతో క్రేజీ హీరోయిన్ గా మారిపోయింది. ఈ ఫొటోలో క్యూట్ గా బూరె బుగ్గలతో ఉన్న చిన్నారి మరెవరో కాదు హీరోయిన్ అందాల రాశీ ఖన్నా.

ఊహలు గుసగుసలాడే సినిమాతో టాలీవుడ్ కు హీరోయిన్ గా పరిచయమైంది రాశీఖన్నా. తొలి చిత్రంతోనే తెలుగు ప్రేక్షకులను ఆకట్టుకుంది. తెలుగులో యంగ్ హీరోలందరితో జత కట్టింది. తెలుగుతో పాటు తమిళంలోనూ అవకాశాలు దక్కించుకుంది. ఎన్టీఆర్, రవితేజ మినహా మిగతా పెద్ద హీరోలతో మాత్రం సినిమాలు చేయలేకపోతున్నది. రాశీ ఖన్నా తొలుత హిందీ సినిమాతో తన కెరీర్ ను ప్రారంభించింది. జాన్ అబ్రహం మద్రాస్ కేఫ్ సినిమాతో నటిగా తన కెరీర్ ను మొదలు పెట్టింది. ప్రస్తుతం తమిళంతో పాటు హిందీలోనూ సినిమాలు నటిస్తున్నది.

మొదటి సినిమాలో కొంచెం బొద్దుగా కనిపించిన రాశీ ఖన్నాపై కామెంట్లు రావడంతో  ఆ తర్వాత సన్నగా మారిపోయింది. ప్రస్తుతం రాశీ ఖన్నా చిన్ననాటి ఫొటో ఒకటి సోషల్ మీడియాలో వైరల్ అవుతున్నది. ఈ ఫొటోలో ఉన్న హీరోయిన్ ను కనిపెట్టడం కొంచెం కష్టమనే చెప్పచ్చు. ఈ ఫొటోలో క్యూట్ గా ఉన్నది రాశీ ఖన్నా అని తెలిసి నెటిజన్లు చిన్నప్పుడు కామెంట్స్ చేస్తున్నారు.