Goods Train : విష్ణుపురం వద్ద పట్టాలు తప్పిన గూడ్స్ – గుంటూరు-సికింద్రాబాద్ మార్గంలో రైళ్లకు అంతరాయం

Goods Train

Goods Train : గుంటూరు-సికింద్రాబాద్ మార్గంలో నల్గొండ జిల్లా దామచర్ల మండలం విష్ణుపురం రైల్వే స్టేషన్ వద్ద ఆదివారం మధ్యాహ్నం గూడ్స్ రైలు పట్టాలు తప్పింది. గుంటూరు నుంచి సికింద్రాబాద్ వైపు వెళ్తున్న గూడ్స్ రైలు పక్కకు ఒరిగిపోయింది. దీతో రెండు బోగీలు పట్టాలు తప్పాయి. ఆ సమయంలో రైలు తక్కువ స్పీడ్ లో ఉండడంతో ప్రమాద తీవ్రత తగ్గింది. డ్రైవర్ కూడా మెల్లగా బ్రేకులు వేసి మిగతా బోగీలు పడిపోకుండా జాగ్రత్తపడ్డారు.

ఈ ప్రమాదంతో గుంటూరు-సికింద్రాబాద్ మార్గంలో పలు రైళ్లు ఆలస్యంగా తిరుగుతున్నాయి. శబరి ఎక్స్ ప్రెస్ ను మిర్యాలగూడలోనే నిలిపివేశారు. జన్మభూమి ఎక్స్ ప్రెస్ ను పిడుగురాళ్లలో నిలిపివేసినట్టు రైల్వే అధికారులు తెలిపారు. దీంతో రైలు ప్రయాణికులు ఇబ్బందులు పడుతున్నారు.