Mirzapur : ‘మీర్జాపూర్’ లవర్స్ కి గుడ్ న్యూస్.. కానీ రెండేళ్ల తర్వాతే

Mirzapur

Mirzapur Movie : కొన్నేళ్లుగా బాలీవుడ్ లో వెబ్ సిరీస్ ల హవా కొనసాగుతున్నది. కాకపోతే కొంత బోల్డ్ కంటెంట్, హింస ఎక్కువగా ఉండడంతో కుటుంబ ప్రేక్షకులు వీటికి దూరంగా ఉంటున్నారు. కానీ క్రైమ్, హరర్, బోల్డ్ సిరీస్ లకు విపరీతమైన  ఆదరణ లభిస్తున్నది. భారతదేశంలో అత్యంత ప్రజాదరణ పొందిన వెబ్ సిరీస్ లలో మీర్జాపూర్ ఒకటి. ఈ వెబ్ సిరీస్ ఇప్పటికే మూడు సీజన్లు ప్రసారమైంది.

ఓటీటీలో ప్రపంచ వ్యాప్తంగా ప్రేక్షకులను  అలరించిన మీర్జాపూర్ వెబ్ సిరీస్ నుంచి గుడ్ న్యూస్ వచ్చింది. తదుపరి భాగాన్ని నేరుగా థియేటర్లలో విడుదల చేస్తామని నిర్మాతలు ప్రకటించారు. దీనికి సంబంధించి ఓ వీడియో కూడా రిలీజ్ చేశారు. అయితే ఈ సినిమా ఇప్పట్లో రావడం లేదు. 2026లో థియేటర్లలో విడుదల కానుంది.   ఈ సినిమాలో కాలీన్ భయ్యా (పంకజ్ త్రిపాఠి), గుడ్డు పండిట్ (అలీ ఫజల్), మున్నా త్రిపాఠి (దివ్యేందు శర్మ) నుంచి కాంపౌండర్ (అభిషేక్ బెనర్జీ) ఈ వీడియోల తమ స్టైల్ లో డైలాగులతో ఆకట్టుకున్నారు.

బాలీవుడ్ చిత్రాల రికార్డులను బ్రేక్ చేస్తుందా?..

ఈ చిత్రాన్ని 2026 సంవత్సరంలో పెద్ద స్క్రీన్‌పై విడుదల చేయడానికి సన్నాహాలు చేస్తున్నట్లు వెల్లడించారు. దీంతో మీర్జాపూర్ అభిమానులు ఫుల్ ఖుషీ అవుతున్నారు. మేకర్స్ ప్రకటన బాలీవుడ్ లో సంచలనం సృష్టిస్తున్నది.  మీర్జాపూర్ థియేటర్లలో విడుదలైతే బాలీవుడ్ చిత్రాల రికార్డులను బ్రేక్ చేస్తుందనని చెబుతున్నార. మున్నా భయ్యా క్యారెక్టర్ మళ్లీ రాబోతుందని తెలియడంతో ప్రేక్షకులు సంతోషం వ్యక్తం చేస్తున్నారు. మీర్జాపూర్ తొలి రెండు సిరీస్ లు ప్రేక్షకులను బాగా అలరించింది. కానీ సీజన్- 3 మాత్రం  ప్రేక్షకుల అంచనాలను పూర్తి స్థాయిలో అందుకోలేకపోయింది. రాబోయే చిత్రాన్ని పార్ట్-3లా మార్చొద్దని నెటిజన్లు కామెంట్స్ పెడుతున్నారు. ఇక మీర్జాపూర్ సినిమా థియేటర్లలో విడుదలైన  ఎనిమిది వారాల తర్వాత  మాత్రమే ఓటీటీలో స్ట్రీమింగ్ కానుంది.  ప్రైమ్ లో ఇండియాతో పాటు 240కు పైగా దేశాల్లో స్ట్రీమింగ్ కానుంది.