Hyderabad News : మేడ్చల్ లో పట్టపగలు బంగారం షాప్ దోపిడీ

Hyderabad News

Hyderabad News : హైదరాబాద్ మేడ్చల్ లో పట్టపగలు బంగారం షాప్ ను దోపిడీ చేశారు. నగరంలో నిత్యం రద్దీగానే ఉంటాయి రోడ్లు. అలాంటి బిజీ ఏరియాల్లో మేడ్చల్ కూడా ఒకటి. అలాంటి ప్రాంతంలో పట్టపగలు బంగారం షాపులోకి వచ్చిన దొంగలు, కత్తితో షాప్ ఓనర్ ను పొడిచి బంగారం ఎత్తుకెళ్లారు. ఆ షాప్ కు సమీపంలోనే పోలీసు స్టేషన్ సైతం ఉన్నా దోపిడీ దొంగలు దర్జాగా బైక్ పై వెళ్లిపోయారు.

ఈరోజు (గురువారం) మధ్యాహ్నం మేడ్చల్ పోలీస్ స్టేషన్ కు ఆనుకొని ఉన్న జగదాంబ జ్యువెలరీ షాపునకు ఇద్దరు వ్యక్తులు వచ్చారు. అందులో ఒకరు మాస్క్ ధరించగా, మరొకరు బురఖా ధరించారు. బంగారం కొనే విధంగా నటించిన బురఖా దొంగ తన దగ్గర ఉన్న కత్తితో షాపు యజమాని శేషారంపై దాడి చేసి దొరికినంత బంగారాన్ని ఎత్తుకెళ్లారు. వెంటనే యజమాని కేకలు వేయడంతో దొంగలు బైక్ పై అక్కడి నుంచి పరారయ్యారు.

ఇదంతా అక్కడ ఉన్న సీసీ కెమెరాలలో రికార్డయింది. సమాచారం అందుకున్న పోలీసులు అక్కడికి చేరుకొని సీసీ కెమెరాల ఆధారంగా దర్యాప్తు చేస్తున్నారు. దొంగలను అంతరాష్ట్ర ముఠాగా గుర్తించారు. దొంగలు  ఎంత బంగారం ఎత్తుకెళ్లారో తెలియాల్సి ఉంది.