Adhire Abhi
Adhire Abhi : జబర్దస్త్ పదేళ్ల ప్రయాణంలో ఎన్నో ఎత్తుపల్లాలను చూసింది. నెంబర్ వన్ ప్లేస్‌లో హవాను ఇంకా కొనసాగిస్తూనే ఉంది. చాలా మంది ఆర్టిస్టులను ఇండస్ట్రీకి పరిచయం చేసింది. ఈ షో వల్లే చాలా మంది సెలెబ్రిటీలు జీవితాలను మార్చుకున్నారు. సినిమాల్లో కూడా అవకాశాలు దక్కించుకున్నారు. అలాంటి వారిలో అభి ఒకరు.
అదిరే అభి జబర్థస్ షోలోకి ఎంట్రీ ఇవ్వడానికి ముందే సినిమాల్లో ప్రభాస్ హిరోగా నటించిన ఈశ్వర్ సినిమాలో నటించాడు. అయినా అంతగా పేరు దక్కకపోగా.. జబర్ధస్త్ లోకి అడుగుపెట్టాడు. కానీ, జబర్ధస్త్ షోలోకి ఎంట్రీ ఇచ్చిన తర్వాత మాత్రం అతడు బాగా పేరు సంపాదించాడు. సాధారణ కమెడియన్ నుంచి టీమ్‌కు లీడర్‌గా మారిన అభి ఎంతో మంది ఆర్టిస్టులకు లైఫ్ ఇచ్చాడు.
‘జబర్థస్’ షోలో అభి ఓ టీమ్‌కు లీడర్‌గా చాలా కాలం పాటు చేశాడు. ప్రస్తుతం ఎంతో పాపులర్ కమెడియన్ అయినా ఆదిని కూడా పరిచయం చేసింది అదిరే అభినే. దాదాపు ఏడేళ్ల పాటు జబర్ధస్త్ షోలో సాధారణ కమెడియన్‌గా, టీమ్ లీడర్‌గా సందడి చేసిన అదిరే అభి.. ఈ మధ్యనే ఆ షో నుంచి బయటకు వచ్చాడు.
వ్యక్తిగత కారణాలతోనే అతడు ఈ నిర్ణయం తీసుకున్నట్లు తెలుస్తోంది. కానీ అతడు సినిమాల మీద దృష్టి పెట్టడం కోసమే ఇలా బయటకు వెళ్లినట్లు కొంతమంది అంటున్నారు.
అయితే అదిరి అభికి, హైపర్ ఆదికి మధ్య విబేధాలు రావడంతోనే బయటకు వెళ్లిపోయాడనే వార్తలు గుప్పుమన్నాయి. ఆది టీమ్ లీడర్ అయినా తర్వాత ఈ విబేధాలు తారాస్థాయికి చేరుకున్నాయని దీంతోనే అభి జబర్దస్త్ ను వీడినట్లు సమాచారం. ఇలాంటి వార్తలు గతంలో చాలా సార్లు వినిపించాయి. కానీ ఈ గురు శిష్యులు ఇద్దరూ తమకు అలాంటి అభిప్రాయం ఏమీ లేదని అంటున్నారు. అయితే తనకు డైరెక్షన్ అంటే ఎక్కువ ఇష్టమని అందుకే డైరెక్షన్ వైపు దృష్టి సారించేందుకే జబర్దస్త్ వీడినట్లు అధిరే అభి పేర్కొన్నాడు.