Goat Movie
Goat Movie : దళపతి విజయ్ నటించిన తాజా సినిమా గోట్ (ది గ్రేటెస్ట్ ఆఫ్ ఆల్ టైమ్) సెప్టెంబర్ 5న థియేటర్లలో విడుదలైంది. ఈ సినిమా ఎలా ఉందో సోషల్ మీడియా వేదికగా పలువురు నెటిజన్లు తమ అభిప్రాయాలు పంచుకున్నారు.
కోలీవుడ్ స్టార్ హీరో, ఇళయ దళపతి విజయ్ నటించిన గోట్ సినిమాపై తమిళనాడులో భారీ అంచనాలు ఉన్నాయి. రాజకీయ పార్టీ ప్రకటించిన తర్వాత విజయ్ చేసిన సినిమా కావడంతో తమిళనాట ఆసక్తి నెలకొంది. విజయ్ 2026 తమిళనాడు ఎన్నికల బరిలో నిలవనున్నాడు. స్పై థ్రిల్లర్‌గా తెరకెక్కిన ఈ సినిమాలో విజయ్ డ్యుయెల్ రోల్ చేశాడు. ఇది విజయ్ అభిమానులకు ఫీస్ట్ లాంటిదే.
మూవీలో విజయ్ స్క్రీన్ ప్రెజెన్స్ బాగుందని పలువురు నెటిజన్లు ట్విటర్‌లో పేర్కొన్నారు. మల్టీ టాలెంట్‌కు పేరు గాంచిన విజయ్ తమిళ సినిమాల్లో అత్యంత పేవరేట్ స్టార్ గా ఎందుకు నిలిచాడో ఈ సినిమాతో మరోసారి నిరూపించాడని నెటిజన్లు అంటున్నారు. విజయ్ నటనకు అభిమానులు ట్విట్టర్‌లో ప్రశంసలు కురిపించారు. విజయ్ ఎనర్జీ, డైలాగ్ డెలివరీ, ఎమోషనల సీన్స్ యాక్టింగ్‌ ఇరగదీశాడని పొగిడారు.
ఎప్పటిలాగే విజయ్ యాక్షన్ సీక్వెన్స్ లో వావ్ అనిపించాడని నెటిజన్లు పేర్కొంటున్నారు. తమిళనాట విజయ్ ఫైట్స్ బాగా పాపులర్. ఇందులోనూ అదే తరహాలో యాక్షన్ సీన్స్ కు పెద్ద పీట వేశారని చెబుతున్నారు.
ఫ్యాన్స్ కు కావాల్సినంత హీరోయిజం ఉందని, ట్విస్టులు ఊహించేలా ఉన్నా బాగున్నాయని పేర్కొంటున్నారు. సెకండాఫ్ మరింత బాగుందని నెటిజన్లు రాసుకొస్తున్నారు. విజయ్ ఓపెనింగ్ బ్లాక్ , సస్పెన్స్ బాగుందని పేర్కొన్నారు. తెలుగులో విజయ్ స్టెప్పులపై ట్రోల్స్ వస్తున్నా తమిళనాట మాత్రం విజిల్స్ వేస్తున్నారు. విజయ్‌లో ఇప్పటి వరకు చూడని చార్మింగ్, కామెడీ యాంగిల్ ఈ సినిమాలో చూశామని పేర్కొంటున్నారు. ఫ్యామిలీ ఆడియెన్స్ బాగా కనెక్ట్ అవుతారంటూ పేర్కొంటున్నారు. ఇంకా ఇంటర్వెల్ బ్యాంగ్, ఫస్టాఫ్ చాలా సూపర్‌గా ఉందని ఓ ఆడియెన్ ట్విట్టర్‌లో తన అభిప్రాయాన్ని వెల్లడించాడు.
ఇక సినిమా రిలీజ్ కు ముందు దర్శకుడు వెంకట్ ప్రభు ఓ ట్వీట్ చేశారు. రికార్డులను బ్రేక్ చేయాలంటే అతడికే సాధ్యమని, విజిల్ పాటకు రికార్డు వ్యూస్ వచ్చాయని కాంప్లిమెంట్ ఇచ్చారు.
విజయ్ కెరీర్‌లో ఇప్పటి వరకు చూడని సినిమా ఇదని, ప్రథమార్థం చాలా ఫాస్ట్ గా సాగిపోయిందని రాసుకొచ్చారు. హీరో ఇంట్రడక్షన్ ఎవరూ ఊహించరని ఓ నెటిజన్ పేర్కొన్నారు. ఫ్యాన్స్ ఫీస్ట్ మూవీ అని మరో నెటిజన్ కామెంట్ చేశారు. ఊహించని ట్విస్టులు, మలుపులు, ఉన్నాయని రాసుకొచ్చాడు. హాలీవుడ్ రేంజ్ లో ఇంటర్వెల్ బ్యాంగ్ ఉందని మరో నెటిజన్ పేర్కొన్నారు. మొత్తంగా చూసుకుంటే థియేటర్లు బద్దలవుతాయంటూ ఓ నెటిజన్ కామెంట్ చేశారు.