Nagabandham : గూస్ బంబ్స్ పుట్టిస్తున్న ‘నాగబంధం’ టైటిల్ గ్లింప్స్.. పాముల మధ్య.. ట్రెజర్ కోసం.. ఏం ఉందిరా బాబు..

Nagabandham

Nagabandham : థండర్ స్టూడియోస్ సహకారంతో అభిషేక్ పిక్చర్స్ తమ తదుపరి ప్రాజెక్టును ప్రకటించింది. మంగళవారం (ఏప్రిల్ 9) ఈ సినిమా టైటిల్, ఫస్ట్ గ్లింప్స్ ను మేకర్స్ విడుదల చేశారు. ఇప్పుడు ఈ చిత్రానికి ‘నాగబంధం: ది సీక్రెట్ ట్రెజర్’ అనే టైటిల్ ను ఖరారు చేశారు.

‘నాగబంధం’ గ్లింప్స్ వీడియో ఒక పురాతన గుహలో ఒక గొప్ప విష్ణు శిల్పంతో జూమ్ చేసే ఒక మార్మిక భూ భాగం యొక్క వైమానిక వీక్షణతో ప్రారంభమవుతుంది. తర్వాత క్రమంగా లోతైన ధ్యానంలో మునిగిపోయిన అఘోరా, అతని చుట్టూ పాములు చుట్టుముట్టాయి. అఘోరా పాత్ర కళ్లు తెరిచే విజువల్స్ తో గ్లింప్స్ టీజర్ ముగుస్తుంది, ఆ తర్వాత నిధి ఉన్న తాళాన్ని నెమ్మదిగా తెరుస్తున్న దృశ్యం కనిపిస్తుంది.

ఈ చిత్రానికి దర్శకత్వం వహిస్తున్న అభిషేక్ నామా కథ, స్క్రీన్ ప్లే బాధ్యతలు కూడా తీసుకున్నారు. ఈ చిత్రానికి మాటలు: శ్రీకాంత్ విసా. ఛాయాగ్రహణం: సౌందర్ రాజన్, కూర్పు: సంతోష్ కామిరెడ్డి. ఇటీవల గన్ను భాయ్ సినిమాతో తెరంగేట్రం చేసిన సంగీత దర్శకుడు అభే నాగబంధం చిత్రానికి సంగీతం అందిస్తున్నారు.

గ్లింప్స్ పై నెటిజన్స్ భిన్నంగా స్పందిస్తున్నారు. వీఎఫ్ఎక్స్ బాగా వర్కవుట్ అయినట్లు కనిపిస్తుంది. మరింత క్యూరియాసిటీ కలిగించేందుకు నాగబంధంతో ఉన్న బంధనాన్ని విడిపించడం.. దానిలో నిధి దాని కోసం వేట ఎలా ఉంటుందోనన్న క్యూరియాసిటీ చాలా మందిలో కలుగుతుందని పేర్కొంటున్నారు. మొత్తానికి గ్లింప్స్ మాత్రం భారీ వ్యూవ్స్ దక్కించుకుంది.