Sivam Bhaje Movie : అశ్విన్ బాబు కథానాయకుడిగా ‘గంగా ఎంటర్‌టైన్‌మెంట్స్’ పతాకంపై మహేశ్వర్ రెడ్డి మూలి ఓ సాలిడ్ ఎంటర్ టైనర్ ను రూపొందిస్తున్నారు. కథలోని ఆధ్యాత్మిక అంశాలను సూచించేలా డివైన్ పోస్టర్ తో ఈ సినిమా టైటిల్ ను ఈ రోజు (సోమవారం-మార్చి 11)న రివీల్ చేశారు. ‘శివం భజే’ అనేది టైటిల్.
‘రాజుగారి గది’ నటుడితో పాటు బాలీవుడ్ నటుడు అర్బాజ్ ఖాన్ ఈ చిత్రంలో నటిస్తున్నారు. కథకు ఈ టైటిల్ బాగా సరిపోతుందని దర్శకుడు అప్సర్ చెప్పారు. దాదాపు 80 శాతం చిత్రీకరణ పూర్తయింది.
ఈ రోజు అద్భుతమైన టైటిల్ పోస్టర్ శివుడిని విస్మయపరిచే వర్ణనను ఆవిష్కరించింది. గంభీరమైన పర్వతాల మధ్య, బ్యాగ్రౌండ్ లో శివుడి బ్రహ్మాండమైన ఆకృతితో, దృష్టిని ఆకర్షిస్తూ కథానాయకుడు ఒక ప్రకాశాన్ని వెలువరిస్తాడు. చిత్రం శరవేగంగా చిత్రీకరణ జరిగింది. మూవీ చివరి దశకు చేరుకోవడంతో చిత్ర బృందం ఎంతో అంకితభావం చూపడంపై నిర్మాత మహేశ్వర్ రెడ్డి, దర్శకుడు సంతోషం వ్యక్తం చేస్తున్నారు.
యువ కంపోజర్ వికాస్ బదిసా మంచి సంగీతాన్ని అందించనున్నాడు. ‘హను-మాన్’, ‘మంగళవారం’ చిత్రాల ఫేమ్ దాశరథి శివేంద్ర సినిమాటో గ్రఫీ అందిస్తున్నారు. దిగంగన సూర్యవంశీ, హైపర్ ఆది, సాయిదీనా, తులసి, దేవీప్రసాద్, అయ్యప్ప శర్మ, షకలక శంకర్, కాశీ విశ్వనాథ్, ఇనాయ సుల్తానా తదితరులు నటిస్తున్నారు.