Amaravati Farmers : జగన్ నివాసం వద్ద అమరావతి రైతుల గాంధీగిరి

Amaravati Farmers

Amaravati Farmers : తాడేపల్లిలోని జగన్ నివాసం వద్ద అమరావతి రైతులు గాంధీగిరి ప్రదర్శించారు. ఈరోజు జగన్ నివాసానికి వెళ్లిన అమరావతి రైతులు గాంధీగిరి చేసి మాట్లాడారు. జగన్ సీఎంగా ఉన్నప్పుడు మా గోడు వినలేదు.. ఎమ్మెల్యేగా అయినా వింటారని తాడేపల్లికి వచ్చామని రైతులు తెలిపారు. ఎన్డీయే కూటమి విజయానికి పరోక్షంగా సహకరించిన జగన్ కి ధన్యవాదాలు చెబుతున్నామని అన్నారు. జగన్ వల్లే ఉద్యమాలు చేయడం నేర్చుకున్నామని, ఇంట్లో ఉండి గరిటెలు తిప్పే తమకు జెండాలు పట్టుకుని ఉద్యమాలు చేయడం నేర్పిన ఘనత జగన్‌దేనని మహిళా రైతులు పేర్కొన్నారు. జగన్ ను కలిసి స్వీట్స్, మామిడి, అరటి పండ్లు, తాంబూలం ఇచ్చేందుకు వచ్చామని అమరావతి మహిళా రైతులు తెలిపారు.

జగన్ ఇంట్లోకి వెళ్లేందుకు మహిళా రైతులు చేసిన ప్రయత్నాలను పోలీసులు అడ్డుకున్నారు. అనుమతి లేకుండా లోపలకు పంపించేది లేదన్న పోలీసులు తెలిపారు. జగన్ నివాసం నుంచి రైతులు వెళ్లిపోవాలని పోలీసులు విజ్ఞప్తి చేశారు. దీంతో తమతో పాటు తెచ్చిన స్వీట్లు, పూలబొకేలను పోలీసులకు ఇచ్చి వెనుదిరిగారు.