Gam Gam Ganesha : గం గం గణేశా.. బేబీ మూవీ కలెక్షన్ ను రీచ్ అయ్యేనా.. ఆనంద్ కు అగ్ని పరీక్షే ఈ మూవీ

Gam Gam Ganesha

Gam Gam Ganesha : విజయ్ దేవరకొండ తమ్ముడు ఆనంద్ బేబీ సినిమాతో హిట్ అందుకున్నాడు. అందులో అతడి నటనకు మంచి గుర్తింపు వచ్చింది. ఈ ఉత్సాహంతోనే ఆనంద్ దేవరకొండ ‘గంగం గణేశా’ అనే సినిమా ఆఫర్ కొట్టేశాడు. క్రైమ్, కామెడీ థ్రిల్లర్ జోనర్ లో ఈ మూవీ రాబోతుంది.

గంగం గణేశా ఆనంద్ దేవరకొండ హీరోగా ఉదయ్ శెట్టి దర్శకత్వంలో హైలైఫ్ ఎంటర్టైన్మెంట్స్ బ్యానర్‌పై వంశీకృష్ణ కారుమంచి, కేదార్ సెలగం శెట్టి  నిర్మించారు. నయన సారిక, ప్రగతి శ్రీవాస్తవ హీరోయిన్లుగా నటించారు.  ఇమాన్యూయేల్, ప్రిన్స్ యావర్‌ లు కూడా ఈ మూవీలో అవకాశాన్ని కొట్టేశారు.  చైతన్ భరద్వాజ్ దీనికి సంగీతాన్ని అందించాడు. ‘గంగం గణేశా’ మూవీని మే 31వ తేదీన రిలీజ్ చేస్తున్నారు.

విజయ్ దేవరకొండ సినిమా ప్రమోషన్స్ కు రాకున్నా.. తమ్ముడి సినిమా ను హిట్ చేయాలని అభిమానులను కోరారు. దీంతో ఈ సినిమా టికెట్స్ బుకింగ్స్ లో దూసుకుపోతుంది. కచ్చితంగా హిట్ అవుతుందనే నమ్మకంతో టీం మొత్తం ఎంతో విశ్వాసంతో కనిపిస్తోంది. ఈ సినిమా పై నిర్మాతలు భారీగా అంచనాలు పెంచుకున్నారు. ఆంధ్రప్రదేశ్, తెలంగాణలో ఈ సినిమా రూ. 4.50 కోట్ల ప్రీ రిలీజ్ బిజినెస్‌ను ఇప్పటికే చేసేసింది.

గంగం గణేశా మూవీని దాదాపు 350 థియేటర్లలో రిలీజ్ చేస్తున్నారు. ఆనంద్ సినిమాను ఇన్ని థియేటర్లలో విడుదల చేస్తున్నారంటే ఎంత పెద్ద బిజినెస్ చేస్తున్నారో అర్థం చేసుకోవచ్చు. సినిమాలో ఎంతో కంటెంట్ ఉంది కాబట్టే దీనిపై నమ్మకముంచిన నిర్మాతలు విడుదలకు సిద్ధమైనట్లు తెలుస్తోంది.

కర్ణాటక, ఓవర్సీస్, రెస్టాప్ ఇండియాలో కూడా కోటిన్నర ముందస్తు బిజినెస్ రూపంలో రాబట్టి అంచనాలు పెంచేసుకుంది. దీంతో గం గం గణేశా టీం ఎంతో ఆసక్తిగా ఎదురు చూస్తున్నారు. ఆనంద్ దేవరకొండ రష్మికను ఫ్రీ రిలీజ్ ఈవెంట్ కు పిలవడం, నువ్వు నా ఫ్యామిలీ రా అని ఆమె అనడం అన్ని కూడా ఈ మూవీకి ఫ్లస్ అయినట్లు చెబుతున్నారు.